رد: قبول المعدد من الاقارب
اقتباس:
المشاركة الأصلية كتبت بواسطة 3beer1977
اختي
بطرق لم نقطه
اذا الرجال كفو وترغبين فيه
مايعيبه كونه متزوج وعنده عيال وقريب لكم بالعكس .. احد تعرفونه احسن من الغريب
وبالنسبه لكيف تصلحون غلطة تسرعكم
يتصل فيه الوالد ويقول
يافلاً اعذرنا ع تسرعنا ولكن ماهو لقصور فيك
بس ماتوقعنا ابداً انك بتخطب
واحنا ماعندنا اي مانع فيك
بس ايش راي ام اولادك في اختيارك لزوجه من القرابه اذا يرضيها هالزواج
فاحنا موافقين والله يتمم بكل خير
وبس وبكل بسااااطه
بالنسبه للعمر30
ماهو كبير هالعمر اهو عمر النضج التاااام
وافضل عمر لزواج
اخوي عمره 30 وتزوج وحده عمرها 33
وبقراره واختياره
ليش ؟
قال ناضجه وفاهمه وعاقله
وما شاء الله تبارك الرحمن مو نادمين ابداً عليها
عقل ورزانه وادب ولتربيه دور اكيد
وسلامتك
واتمنى لك التوفيق والتيسير
|
هلا بك
صح كلامك بس الوالد مو راضي يفتح الموضوع معه
يقول لو كان غريب كان الامر عادي
بس هذا قريب لو بيرجع من نفسه يقدر ,,
البيت ويدله وارقامنا ويعرفها ليش نقوله تعال او حتى نلمح له
اذا كان جازم وجاد يرجع مره ومرتين وثلاث << هذا كلام الوالد
ـ
اما اخواني لهم رأي ثاني ذكرته بردي على اختي المنسيه
ـ
المشكله مو هني المشكله انا ارتحت له مع العلم لو اشوفه بالشارع ماعرفه
بس من حديث ومدح اخواني له
مو مدحهم له من خطب حتى قبل دائما يتحدثون عنه
فلان عمل وفلان سوى وفلان قال يقصدونه وكنت اسمع
واقول ماشاء الله
ياليت يجي واحد مثله
و يوم بس خطب كاني فرحت او يمكن مميزاته هذي اللي بدي علشان كذا ارتحت له
عموما عسى الله يعوضنا خير منه
دعواتك
ـ
التعديل الأخير تم بواسطة لِثام الصمت ; 22-04-2016 الساعة 03:30 PM