ما بعرف اخي الكريم اذا كان في سبب واحد او اكثر
ممكن البعض ما اتعود على هالشي
او ممكن بالفعل يكون في جفاء بين الزوجين
او ممكن البيئة ما بتتقبل هالشي بشكل علني
او او ...الخ

بس بالفعل وقت يكمش الزوجين ايديهن وبيحكوا بكل اريحية وتحس انهن بيفهموا بعض عالطاير
بيكونوا وصلوا لمرحلة اعمق واكبر اتخطت قلوبهن ولامست ارواحهن
مع انهن ممكن يمروا بمشاكل كتيرة وكبيرة متلهن متل اي زوجين
بس هالشي ما بيخلي علاقتهن تتزعزع ابدا

وبنفس الوقت اذا ما كمشوا ايدين بعض قدام الناس ما بيعني انهم بعاد عن الحالة اللي ذكرتها بل ممكن اكثر

اول فترة زواجي كان بعض الاشخاص وقت يشوفوا زوجي كامش ايدي او عم نضحك وكأننا بوقت التعارف قالوا لانهم جداد بعد سنة كل شي بيختفي

مع مرور السنوات قالوا انها ساحرته
بعد 14 سنة ونص قالوا انهم روميو وجولييت لانو وقت هالشي زاد وما قل
بس نسيوا انو متلنا متل اي شخصين عنا مشاكلنا واختلافاتنا ومستحيل نكون 24/24 بنفس الطريقة

وحتى كمشة الايد ما بتصير دايما مرات بنمشي وبدونها ومرات العكس
بشوفها كتير حلوة والها معاني عميقة ان كانت بين زوجين متاحبين
وبنفس الوقت مش دليل قاطع اذا ما انوجدت على ان العلاقة جافة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه