رد: حياتي قبل الزواج وبعد الزواج =العزوبية أج
انتي بنعمه اشكري الله عليها ياختي
ومن قال ان العزوبيه حلوه
انتي تزوجتي وانتي صغيره ماشاء الله
بس لو قدر الله وصل عمرك 30 وفوق وانتي ماتزوجتي
كان شفتي كيف نظرتك للعزوبيه
كلمة ماما تسمعينها من اطفالك تسوى كنوز الدنيا
على الاقل انتي عندك شيء يشغلك الله يخليهم لك ولايحرمك منهم
لكن اللي وصل عمرها 30 وانهت دراستها وغير موظفه وكل الايام عندها واحد شنو تقولين
لو اشرح لك شعورنا ماراح اخلص يحتاج ملفات علشان اقول كل اللي بقلبي
صحيح العزوبيه لوحدك وحلوه بس لعمر معين اذا طاف العمر ومشى بدون زواج
راح تحاتين بنفسك محاتات لايعلم بها الا الله
ينقص حياتك يــا حبيبتي ترتيب الوقت وايضا النسل
رتبي وقتك انتي واطفالك
نامو بكير ضعي لك جدول في غسل الملابس وترتيب البيت
مثلا مرتين بالاسبوع وعلى حسب بيتك وحجمه
اما الاكل والطبخ اذا فضيتي اعملي مثلا عجينه وخليها بالفريز وبعد يوم او يومين
اذا صار مالك خلق تطبخين طلعيها واعملي لكم فطائر
الاطفال حاولي تشغلينهم في الافلام الكرتونيه الاسلاميه خليهم يتابعونها
حبببيهم لـ افلام الكرتون ولو حصل نزلتي بجاهزك افلام الكرتون القديمه نزليها
ومثل فلم سالي والكابتن ماجد وانا واخي ..الخ
راح يخف من هواشهم وينسجمون مع الافلام
كمان لاتعيدين كلامك الله يقطع الزواج والحب ومادري شنو
تصير بوقت اجابه بعدين الله لايقدر تفقدين اسرتك بعدها تندمين
اشكري الله على مااعطاك
والتعب موجود في كل مرحله
موفقه