لما بنيتي بيت في الديرة حقتكم وماكتب البيت بإسمك
من الموقف هذا مااستفدت شي؟
ماطلعت بشي اسمه مايستفاد من هذا الموقف؟

بعد موقفه كافأتيه بسلسلة من العطاءات بما فيها السيارة
كأنك قلتيله بارك الله فيك إلى الأمام أنا ما اتضررت ماديا ولا نفسيا من إخلاف الوعد.

إن كان زوجك استغلك فهو استغلك برضاك وبمزاجك
ماجبرك ولا ضربك على يدك
قبل ماتلوميه يالست كغيري لومي نفسك
قبل ماتحاسبيه حاسبي نفسك مين اللي جرأه عليك غير نفسك؟

شوفي ياأختي أنا جالسة بأنصحك زي الباقين حافظي على زوجك وبيتك لا تخسري زوجك لا تخسريه واحمدي ربك عليه مهما كان فيه عيوب وسيئات بالمقابل فيه ميزات كثيرة وحلوة

تعرفي حديث الرسول صلى الله عليه وسلم تنكح المراة لأربع
أول شيء ذكر مالها ثم جمالها ووو.....الخ

يعني الرجل ممكن يتزوج عشان يستفيد من فلوسها.
أنصحك مهما كان لاتبيعي السيارة والله زوجك راح يتغير عليك 1000 درجة

لا تكبريها وتزوديها لاتكابري ترى مالك غنى عن زوجك
اكسبي زوووووجك باللين بالحب بالسياسة ولا ترادديه ولا تجادليه ولا تغلطي عليه بالكلام احترميه واستغلي أوقات الصفاء وعلميه بذوق وحنان ودلع يحترمك وإن أسلوبه يجرحك ويتعب نفسيتك.

وإن حصل وغلط عليك احزني وبيني الحزن من غير كلام ولا حتى كلمة جزاك الله خير لأنها تقهر وتبين الزعل وخلي عيونك تدمع لا تصرخي ولاتستأثري لكرامتك في لحظتها ترى الرجال مايبغى واحدة تعامله الند للند فلا تحطي راسك براسه.