المشاركة الأصلية كتبت بواسطة أنا حور

إنت عارفة راتب زوجك فين بينصرف فليش الزعل و إنت عارفة الصادر والوارد
في حال زوجك بينفق على أهله وشال يده عنك من حقك تزعلي وتسوي له مشاكل
مدام شايل الايجار والكهرباء ونفقات البيت حسب استطاعته وامكانياته فالحمد لله .

ايش شعورك لو كان زوجك يدس عليك وما يقول لك الحقيقة عن فلوسه فين بيصرفها!

بالنسبة للسيارة هو عرض عليك الفكرة وإنت وافقت
الآن هو ماعنده امكانية عشان نفقات والدته الإضافية
مافيها شي إذا ضغطت على نفسك وصبرت وتوقفي معاه وقفة بنات الأصول إلين يعيد إتزانه المادي ويقدر يرجع يسدد الأقساط .
ترى زوجك فيه نخوة ومو سلتوح مع ذلك أقل تصرف منه تفسريه استغلال لك..كيف لو عشت مع رجال ماعنده رجولة بحق وحقيقة.

وإنت يا أختي حتى لو عندك راتب وأرض الله يبارك لك، تراك منت مليونير كلك أقساط وحالتك حالة، ما عندك سيولة مادية ،فلا تتكلمي بطريقة تحسسي زوجك إنت فوق وهو تحت . وانفعالاتك كلها ما أسمح لك تستغلني..

والله ماتعرفي أقدار الله العجيبة في لحظات تتغير،، ممكن في لحظة هو يصير صاحب عماير ،وتصيري إنت اللي محتاجة وقفته معاك..
الله لايحطك مكانه ولا يجعل لك حاجة عنده ولا عند غيره.

لاتزعلي مني حتى لو جرحتك أو كثرت عليك ترى أكلمك كأخت أبغى مصلحتها ما أبغى خراب بيتها.