المشاركة الأصلية كتبت بواسطة طمووحه

السلام عليكم

وعليكم السلام ورحمة الله ..
الذهب وما ادراك ما الذهب
احبه اعشقه وودي اشتري تاج ذهب زي هذا👸


تصدقون احس بسعادة يوم اشتري ذهب
احس اني سعيده مدري ليش

صحيح يجيب السعادة ..

اسالتي لكم..

كم طقم ذهب عندك..؟

عندي شبكتي .. وطقم زوجي أهداني اياه ، وطقم أنا شريته ، والرابع أمي الله يرحمها لما مرضت وزعت اطقمها علينا أنا وخواتي ..
بالنسبة لي اللي من أمي أحلى طقم ذهب وأغلاهم على قلبي ..


هل تشعرين بسعادة مثلي حين تشرين الذهب..؟

و هل اشتري طقم ذهب وانا مازلت فتاة..؟
احس طقوم الذهب تصلح للمتزوجات
انا اشتري سلاسل وتعليقات وخواتم
لكن طقم باقي ما غامرت وسويتها
لكن افكر اسويها

تنصحوني اسويها واشتري طقم ذهب..؟

أيه أخذي وخليه للمناسبات كالأعياد والاعراس ..

وهل تلبسين الذهب بالبيت ام فقط المناسبات..؟
انا البسه في البيت 😊
سلسال ضعيف في يدي على طول ما أشيله نهائيا صار له سنتين يمكن .. أحيان ألبس حلق وتعليقة خفيفة ..
بس باقي الذهب ما ألبسه إلا في المناسبات ..

هيا لننتعش قليلا مع الذهب وسيرته

انتظركم خواتي..