رد: زوجي طردني ويريد ان يطلقني مستجد رد101ــ1
اقتباس:
المشاركة الأصلية كتبت بواسطة سموره ☆
الليل اتصل علي مرتين ومارديت والثالثة رديت وصدمني وعرفت شكد هو حقود
يقول اني دايما عيني زايغه !! وانه صار يكره يشوف معاي افلام لاني اجلس ابصبص على الرجال قلت له انت شكاك ماعمري دققت على احد ولا عيني زاغت على احد يقول دايما اذا نشوف فيلم ويجي لقطة يكون الرجل عاري من الصدر وانا اقلب وانتي تهاوشي تقولين خليه لا تغير
قلت له ايه صح بس مو عشان ابصبص وانت تدري اني ماحب افوت لقطات ماحب شي يقطع اندماجي بالقصه !!
دخلنا في جدال طويل الين ختمها بشي صعقني حسبي الله على كل رجال يختلق مشكله عشان يسوي اللي براسه
قال انه ناوي يتزوج بوحده امه دايما تمدحها انها مصليه وصايمه
طيب كلنا نصوم ونصلي ؟؟
يقول لا ذي تخاف ربها يعني متدينه كثير وماعندها سوالف وخرابيط وصور وغيره
طيب اكبر منك ب 5 سنوات !!
يقول عادي مو عيب ولا حرام
قلت طيب روح الله يوفقك
قال لي اذا تبغين ترجعين ماعندي مانع بجي بكره والغي إجازتي ونرجع البيت
ضحكت عليه قلت له من جدك !! وش ابي فيك الله يستر علي خلاص دامك نويت تتزوج الله يوفقك وانا بجلس عند ابوي معززه مكرمه وبكمل دراستي اللي انت سبب فشلي فيها وبنتك وولدك خذهم انا مو ملزومه فيهم ولا بتربيتهم
وقلت كلام كثير كثير حسيت اني في لحظه انفجرت
كنت حاسه ان وراه شي
|
مثل الصنم اللي عندي بالضبط واخرتها خطب وملك وبيتزوج قريب بس تكفين لاتخلين عيالك خليهم معك الا الاطفال ونفسياتهم تتأثر بسرعه اسأليني انا للحين مأثر علي وانا كبيره جربت الحرمان من الام لاتذوقينه لعيالك تكفين
وهو الله حسيبه وع اللي عندي يارب ..
__________________
عجبا أيها الليل يقولون عنك هادئ وفيك تصرخ كل القلوب💔