السلام عليكم ورحمة الله وبركاته .. بداية احب اشكر لكم تفاعلكم معايه وتخصيصكم جزء من وقتكم للوقوف معي في محنتي جزاكم الله خير واشكر كل من سال عني واعذروني لاني مارديت عليكم او لاني تاخرت بالرد عليكم .. وهذا لاني كنت مريضه في المستشفى والحمدلله انا بخير الحين ..

يوم الخميس وعلى موعدنا جا زوجي لبيتنا استقبله ابوي ورحب فيه وقرب فيه وقعدوا في المجلس عندنا .. وكانت السوالف عامه طبعا قبل لا ايي زوجي امي قالت لي انتي دخلي وابوج بيكون موجود وياكم وتفاهموا باللي يرضيكم .. انا قلت وانتي يا يمه .. قالت بدخل عندكم عقب ان شاء الله .. واذا في شي محرج تبين تقولينه وابوج موجود بكلمه وبكون انا مكانه لو حابه ولو حابين تتفاهمون عقب بكيفكم .. قلت الها يمه احنا متفقين على كل شي .. قالت لي هو موافق على طلباتج .. قلت الها نعم يمه موافق عليها كلها وهي واحد اثنينه ثلاثه .. قالت لي تمام واتمنى ما ينعاد اللي صار مره ثانيه .. المهم جابلي ريلج واذا بيتعشا عندنا حياه الله .. واذا بتروحون بكيفكم .. بس كيف عن السكن .. قلت يمه مثل ما قلت لج زوجي محرج انه يقعد في بيتنا وقال انا الريال ولازم انا اوفر لج البيت مو نقعد في بيتكم .. قالت ما يخالف اللي تشوفونه ..

المهم قعدت مع زوجي نتكلم كلام عام يعني ما تكلمنا بالشروط وكأنها زياره عائليه .. والحمدلله عدت الامور على خير ..

ركبنا السياره وتحركنا ونحن في الطريق قال لي طبعا انا كلمت اخوي وقلت نحن ما بنقعد عندك لانه ما نبي نثقل عليك وبنقعد في شقه بروحنا لين ما تتيسر ونبني بيتنا .. فهو قال له على راحتك بس ماكنت ابيك تخسر والسكن موجود ع الاقل توفر لي البيت اليديد .. قال له ما يخالف بندبرها ان شاء الله ..
وانا الحين اكتب لكم من بيتي اليديد .. اقصد شقتي اليديده ..
شوي مو متعوده اقعد بروحي ولكن ان شاء الله بتعود وبيت اهلي وبيت اهله قريب ..
عمتي ام زوجي بتزورنا اليوم بعد صلاة العشا تطمن عليه لاني ماخبرتهم اني كنت في المستشفى ..

اشكركم مره ثانيه على وقفتكم معايه ..