كلمته البارحه وقلت له عن اللي بيصير واني ابيه يزورنا في بيتنا ويقول اللي يبي مني وانا اقول اللي ابي منه بدون تدخل اي احد طبعا لا من طرفه ولا من طرفي .. وان تكون الامور اللي بنتناقش فيها نعرف عنها بالاول بيني وبينه وما نطرح اي نقطه مو متفقين عليها قبل ..
طبعا هو تضايق من هذه الفكره وقال لي الله يخليج بسنا لقاءات وجلسات محاكمه كلن عرف شو يبي منه الطرف الثاني ..
قلت له ما يخالف اوعدك بتكون هذه اخر مره .. وامي ما راح تقول شي وانا اضمن لك هذا الشي ..
فقال انا انجرحت من كذا كلمه رمتها امج علي المره الماضيه وبصراحه ما اعتقد اني راح اتحمل اكثر .. فشوفي طريقه ثانيه ..
قلت له انا هذي فكرتي ان نقعد عند امي حتى تشوف جديتنا وان هذا الشي مستحيل يتكرر حتى تطمئن علي بعد لا تلومها انا بنتها وانا حاسه فيك وعلى فكره اقدر اقنعها بدون لا تحضر انك تردني البيت بس ما يخالف هالمره عشان خاطري ..
قال لي اوكيه مب مشكله عشان خاطرج بسوي اي شي .. بس لا تلوميني اذا رديت على امج اذا اغلطت علي هالمره ..
قلت له لا ان شاء الله مب صاير شي .. وارجوك انا اعتبر امك مثل امي فاعتبر امي مثل امك .. يعني شو ما قالت اكيد ما راح ترد على امك رد جارح وانا نفس الشي ..
في النهايه وافق وقال فالج طيب ..
انا متفائله خير بكره ان شاء الله ولكن مادري احسه مو متقبل الفكره بس يسايرني ..
بس ان شاء الله بتعدي على خير ..