في اللبس انا متستره وعلى اما يلبسونه الناس عندنا .. يعني لبسي ماعليه اي اشكاليه ولبس خواته بعد نفس الشي ..
بصراحه لما خطبنا عندهم الناس قالت انهم متشددين بالدين وحتى تلفزيون ماعندهم في البيت لانه يعتبرونه حرام .. بس لما عايشتهم خلال فتره الخطوبه والملجه والله كلام الناس عنهم كان مبالغ فيه بشكل كبير .. هم ناس طيبين عاديين حالهم من حالنا .. عندهم تلفزيون وكل شي .. خواته واخوانه حتى الصغار والله اني حبيتهم .. مع انه ابوهم متوفي بس بصراحه ماشفت عليهم الا كل خير .. اللي خلاني اتمسك فيه اكثر اهي صلاتهم واللي الكل يشيد فيها .. حتى لا اقعدوا الحريم في ميلس ووحده تبي تقول لولدها يروح يصلي ويتكاسل .. تقول له وتقارنه بعيال فلان اللي اهم زوجي واخوانه كيف من المسيد حتى صلاة الفجر ما يقطعونها

امي الثانيه اللي هي ام زوجي ما تتعوض .. طيبه لابعد الحدود .. من فتره تكلمني قالت لي يا بنتي اذا صار عليج شي ماله داعي تكلمني اهلك اذا الموضوع ما يستاهل .. اذا سوا لك شي او زعلك تعالي كلميني وانا اخذ لك حقك منه واذا احتجتي اي شي تعالي كلميني واعتبريني مثل امك .. والله تحرجني بكلامهي وانا محرجه منها عقب اللي صار .. بس لما كلمتني امس ما حسستني انه صاير شي .. كلمتني سوالف عامه وانه اذا في شي او محتاجه شي اكلمها ..