المشاركة الأصلية كتبت بواسطة دمعة ندم1

اليوم امي ما راحت الدوام .. ان شاء الله من تصحى بقعد معاه اسولف لها عن اي شي حتى الطف الجو .. كلمت زوجي البارحه بعد وطيبت خاطره بكم كلمه وقال لي اذا خايفه من ردت فعلي فتطمني .. انا مستعد اتحمل كل شي عشانج .. وان شاء الله خير ..
حاسه حاليا بدوخه ودقات قلبي تنبض بشكل سريع وصايبتني حالة اكتئاب يعني مو طايقه نفسي .. ابي ها اليوم يمر بسرعه وتخلص السالفه لاني ماعتقد اني اقدر اتحمل بعد يوم زياده عن الايام اللي مرت ..
زوجي لما كلمته قال لي انه رجع الدوام وقطع الاجازه اللي كان ماخذها شهر ونص وقعد يكلمني انه راح يعوضني عن شهر العسل اللي خربناه وانا في داخلي ادري انه ماكو شي راح يعوضني عن اسعد اللحظات في اول ايام الزواج مثل ما نقرا في المنتديات وغيرها ان فرحة اول ايام الزواج مستحيل تتعوض عقب ولكن الحمدلله على كل حال .. قدر الله وماشاء فعل وان شاء الله القادم يكون اجمل ..