اقتباس:
المشاركة الأصلية كتبت بواسطة خاله بيتا
عاشقة ..
في امكانية انك تكلمي زوجك وللا زوجك مقفل طرق التواصل بينكم ؟
اذا في مجال اتصلي عليه وبلغيه بانك ادركتي غلطك لما ما فهمتي درجة تأثره بالموضوع وظنيتي انه متفهم طبيعة علاقتكم بنسايبكم خاصة انه عرف عن هذا وقت الخطوبة .. لكن انتبهي وما تتكلمي كثير بتبرير موقفك .. قولي هالكلمتين عالسريع وخلي اغلب كلامك عن فهمك الجديد لحدود التعامل مع زوج الاخت وبانك بحثتي عن الحكم الشرعي وعرفتيه ... واعتذري لانك ما اعطتيتي لرأيه حجمه اللي يستاهله وبانك مقدرة بانه الشور له ورأيه هو الصح وبان كلمة معقد مش مقصودة بمعناها وزلة لسان ..
وبالاخر عاتبيه على تسرعه بصوت هادي عتاب احبه انه كيف هنت عليك وكان ممكن تعطيني فرصة اكبر حتى استوعب الحياة الجديدة واتاقلم معها .. وانت استاذي اللي يعلمني بهداوة مو بطلاق .
حاولت يا عاشقة اختار الفاظ معينة بحيث ما تستفزيه . فحاولي تنتبهي لاختيار كلماتك حبيبتي
وخبرينا ايش نتيجة المكالمه حتى نشوف الخطوة الجايه
|
انا لي كنت مقفله طرق التواصل لاني كنت زعلانه وبعد مده اصبحت مو عارفه شقول لهم لاني مادري من الغلطان انا والا هو ..
انا رديت عليه البارحه بس برساله مو مكالمه .. وهو اللي عاتب نفسه على اللي سواه واعتذر لي وانا اعتذرت له .. مثل ما كتبت في الرد اللي قبل هذا ..
الحين يبي يرجعني بس مو عارفين كيف .. يعني كيف بقدر اقنع امي وشنو بنقول لهم السبب .. هل اقول لهم السبب الحقيقي او مثل ما قال زوجي سوء تفاهم .. طبعا امي بكل الاحوال راح تعمل قصه طويله عريضه مثل ما كسرت ظهره بالطلبات يوم انه يخطبني .. او اكلم ابوي هو يكلمها ويتفاهم معها .. كيف علموني شسوي ؟