رد: طليقي ياخذ ابنتي في سيارة زوجته مستجد رد1
اقتباس:
المشاركة الأصلية كتبت بواسطة مهره
استغلال سيء لمشاعر البنت .. وإيحاء سلبي ضدكِ .. لأن إذا البنت بدأت تسأل ـ في مثل هذه المواقف ـ ليش يا بابا ما تقدر تشوفني؟ .. بيكون الجواب على الأغلب: أمج ما تبا!! .. ويصير موّال ثاني!!
وهالتصرفات لا تصح.
ما عليه يا موهبة .. إذا هو ما عنده حسن تصرف في مثل هذه المواقف فلا تخلقينها أو تغذينها برد فعل يؤدي لها .. يعني ماله داعي حكاية إنج تعاقبينه بحرمانه من البنت لأي سبب.
ناهيكِ طبعاً عن أن مسألة الحرمان أساساً مب مقبولة بشكل عام.
مقبولة اذا كانت مفيدة ،، وبحدود القانون،، انا ما تجاوزت المدة اللي حطها القانون الكويتي وهي أسبوع ،، وادري انها واح اتييب نتيجة.
بخصوص سؤالج .. أنا قلت لج إن التفاهم حول نقطة استخدام البنت في إيصال الكلام بينكم المفروض تطرحينها معاه بشكل مباشر .. يعني لا تنتظرين اتصاله على الآيباد وبعدين طلبه من البنت إنها توصّل لج كلام معين عشان توضحين وجهة نظرج.
اطلبي بشكل واضح وصريح إنه إذا يبا شي يتصل بج أو يراسلج بشكل مباشر .. وبالتالي في حال اتصاله على آيباد البنت ما راح يكون في مجال أصلاً إنه يستخدمها ويقول لها: قولي لماما كذا وكذا .. لأن المعلومة خلاص وصلته .. وما حبكتش أصلاً يحتاج يقول لج أي شي في الوقت اللي يكلم فيه بنته.
الآيباد المفروض مخصص لتواصله مع بنته فقط .. وأي شي ثاني يباه منج يكون تواصله معاج إنتي بشكل مباشر بعيد عن الآيباد والبنت.
وإذا عمل نفسه ناسي فارجعي كلميه مرة ثانية بشكل مباشر.
|
ما يفيد معاه جذي
الصراحة والطريق المباشر ما يفيد،، ممكن يعاند او ممكن يتصل على اهلي يوصل لهم اللي يبي يوصله لي
بتكبر المسألة اكبر من جذي
والله اعرفه واعرف ردات فعله
__________________
لا اله الا انت سبحانك اني كنت من الظالمين