يا اختي لا تغلقي الموضوع ابقي و استمري معنا
يمكن تجدي حل لوضعك او تقتنعي بكلام الأعضاء و تنفذي بجلدك


الي تتعرض للتعنيف بمثل وضعك طبيعي جدا
تكون متردده و ما تقدر تاخذ قرار مصيري

عزيزتي .. فكري بطفلك
مصيره احد الخيارين .. اما يتيم معنف "لا قدر الله "
او مجرم ووووو

شنو تنتظرين .. انه ينفذ كلامه و تهديده و يقتلك

بنت جارتنا سابقا
كانت مثل وضعك زوجها يضربها ك يوم بسبب و بدون سبب
و المسكينه صابرة و ساكته و متحمله كان عندها بنتين
و ما كانت تعلم حد لا اهلها و لا اهله ..... بحجه الستر على زوجها و المحافظه على اسرار البيت
و انها زوجه صالحة و بتتحمل عشان البنات ووووو
و ممكن هي السبب الي تخليه يضربها وووو


و بالاخر تعرضت لضرب وحشي مبرح .. كسر اسنانها و قص شعرها و كسر يدها و اضلاعها
وقفل باب بيتها و تركها للموت
لما لطف الله عليها وامها زارتها صدفه ما كانت لحقت عليها

طبعا تطلقت منه وحاليا متزوجه ثاني و عندها بناتها و عيال بعد
و عايشه مرتاحه والحمدلله


الارزاق بيد الله وحده

انفذي بجلدك ... ترا مو كل زوج يستاهل ان الوحده تصبر و تتحمل عشانه

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~