اخت نوني

انا اقترح عليك ان توقفي الزعل قبل ان يمتد لأسبوع ويتم التصافي في ليلتها

يوم ما يكون رايق خذيه بيده الى غرفة نومكم اغلقي الباب واطفالكم نايمين واطفئي الانوار واتركي فقط الانوار الخافته وتكلمي معه بهمس

قولي له انا ما اقدر على كذا انا خلاص تعبت نفسياً ابي اتفق معاك على شي

الان الانوار هاديه وصوتي هادي وجلستنا هاديه

قبل ننام اذا بخاطرك شي قوله لي الان قبل نحط راسنا على المخده

ان حطيت راسك على المخده وانت زعلان بيطول الزعل وانا مابي زعلك يطول ولا ابي اذا انا زعلت اطول بالزعل

شي ضايقك نطفي الانوار ونتكلم بهمس وتشرح وش ضايقك واراضيك
شي ضايقني نطفي الانوار ونتكلم بهمس واشرح لك وش ضايقني منك

شفت ضيقتي ماتستاهل هالزعل برضى وانام بحضنك وشفت ضيقتك ماتستاهل هالزعل الله يعافيك ارضى عني وخل ننام مرتاحين

طول الزعل يعلم الجفاء لك وله واكبر دليل انتي الان تغيرتي

غيروا اسلوب المصارحة والمراضاه لتستقيم حياتكم ليصبح لبهاراتكم وزعلكم طعم

زيادة البهارات والمشاكل في الحياة الزوجية ماتصير الطبخه حلوة