اختي بعيدا عن العادات والتقاليد .. وانا بحكم اني لست من السعوديه فما اعرف كيف راح يكون وضع ابنائك عسى الله يرزقك الذريه الصالحه ..
اتمنى انك تاخذين لفه على المواقع الالكترونيه التي تطرح مشاكل ابناء المواطنات عشان تاخذين فكره عن الموضوع .. لانه اولادك ما راح يحملون جنسيتك السعوديه .. فمعاملتهم ما راح تكون نفس معاملة المواطن السعودي .. اتمنى ان تتاكدي من هذه النقطه ..

النقطه الثانيه .. الرجل من كلام المرأه عنه هو دين وذو خلق وغيره وغيره .. ولكن كيف عرفتي ان هذا الكلام صحيح .. وكيف بتسالين عنه عشان تتاكدين من خلقه ودينه ومعاملته وغيرها من هذه الامور ..

النقطه الثالثه .. راح تكونين الزوجه الثانيه لرجل متزوج .. هل هذا الوضع راح يكون مريح لك .. اذا بقيتي في السعوديه بتجلسين فترات طويله بدون زوجك حكم انه من دوله اخرى .. واذا انتقلتي للعيش معاه فما راح تتاقلمين مع الوضع هناك لانه اسلوب الحياه عندهم مختلف اختلاف كلي عن وضعنا واسلوب معيشتنا في دول الخليج ككل ..

بصراحه عن نفسي ما اشوف اي ايجابيه في هذا الزواج سوى مجرد كلام ومدح في الرجل غير مؤكد .. والله العالم ما يكون هذا الزواج لمصلحه !

والنقطه الاهم .. من كلامك ان اهلك ما راح يوافقون عليه ابدا !!