رد: طلبت الطلاق مستجدات الرد (1139)
اقتباس:
المشاركة الأصلية كتبت بواسطة الرهام
عزيزتي مهره برأيي خلاص انتهت فترة الانفصال العاطفي الأولى. ... انتقلي من الرسمية بس بدون اندفاع كبير في الاتجاه العاطفي.... التوازن مهم جدا
كوني مستقبله أكثر منك مبادرة.... الفترة الي طافت بتساعدك توصلي لتوازن عاطفي ممتع ومريح
وعلى فكرة فترة الجفاء العاطفي بتتكرر معك
بس كل مرة بتكون أقصر من إلي قبلها
رغم اني لست زوجة معدد لكن جفاءه وكلماته ومواقفه جعلتني اتأمل في طبيعة علاقتي به فوجدت أن كلمة منه تمنع النوم لذلك قررت أن استعاد ذاتي وسعادتي وتسألني مع ذاتي... بعد فترات انفصال عاطفي متعدده احس ان علاقتنا انضج وأفضل وأقرب للصداقة فيها من التماس الأعذار والابتعاد عن الملامة.... الحمد لله
متفائلة جدا أن حياتك القادمة أفضل وان ما تمرين به إنما هي دروس لتزدادي قوة ورضا 💕💕
|
اضطررت أن أبتعد عن الرسمية قليلاً .. قليلاً فقط.
اليوم بعد ما رجع هو وماما من برا .. أنا كنت في المطبخ فما شفته لما دخل البيت.
خلصت الغدا ورجعت الغرفة عشان أبدل ثيابي .. لقيته منسدح على السرير .. قلت في نفسي: ما صدق تكلمنا اليوم وطاح على السرير؟!! (طول الفترة الماضية ما كان ينام على السرير أبداً)
اليهال رجعوا من المدرسة .. وبدلوا ورحنا كلنا المطبخ نتغدا .. قبل ما يدخل المطبخ أسمع اليهال يقولون لي: بابا طاح .. بابا مب عارف يمشي!
ما استوعبت الكلام وعلى بالي يخربطون ويمزحون معاه.
لكن لما دخل المطبخ كان فعلاً يعرج وواضح إن ريله تعوره جداً من طريقة مشيه.
سألته .. قال إنه كان يروغ قطو شارع دخل بيتنا وريله التوت!
سألته أوديك المستشفى؟ .. قال: باصبر شوي باشوف إذا بتخفّ.
يلس يتغدا .. كنت مسوية له جبود .. وللأمانة كان ياكل ويكلم اليهال يقول لهم: لذيذة .. لذيذة.
المهم عقب ما خلص الغدا طلع من المطبخ .. وأنا خلصت مع اليهال ودخلنا كلنا البيت.
سألته: تبا تروح المستشفى؟
قال: ما يحتاي .. أمي الحين بتييب لي كركم وملح .. وباشوف لين عقب.
كلمت ماما عشان أشوفها متى بتيي .. ورجعت له .. كان توضا لصلاة العصر وقال لي إن الماي الحار ريحه شوي.
يبت المطارة وحطيت فيها ماي حار وعطيته إياها عشان يكمّد ريله.
عقب حوالي ساعة سألته إذا محتاي أغير له الماي .. بس قال: ما يحتاي.
وماما يت تتطمن عليه .. وطبعاً ما كان ينفع أخليهم وأطلع من الغرفة .. فيلست معاهم .. بس بصراحة ما كنت قادرة أحس بأريحية وكلامي كان مقتضب وغالباً كنت أوجهه لماما.
وكاني أنتظر هل بيتم مرتاح على الكمادات الحارة وإلا بيحتاج يروح المستشفى.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 24-02-2016 الساعة 06:10 PM