رد: صار دقيق ويحاسب على كل شيء..
اقتباس:
المشاركة الأصلية كتبت بواسطة نبض الدان
مشكلتك تبغين حلول فورية وردة فعل سريعة ومباشرة!!
لو سويتي اللي قلت لك بموضوعك السابق واشتريتي كتاب الرجال من المريخ والنساء من الزهرة كان عرفتي اللي يمر فيه زوجك دورة طبيعية بحياة اي رجل مثل الدورة الشهرية عندنا
يكون ماله نفس لشيء مقفل..صاحب الكتاب يقول على الزوجة بهالحالة تبتعد تنشغل لحد ماتشوف انه من نفسه أقبل عليها وقتها ترجع تتودد له..
أنت تبغينه دااايم حولك دايم محتويك دايم يشبعك وتكررين دائما اذا مااحتواني من يحتويني وغيره من الكلمات..
السؤال المهم
ليش هوو بس بمحيط حياتك يعطيك الاشباع والاحتواء؟!
ماعندك صديقات والا اهل والا ع الأقل لك انشطة تحسسك بالسعادة والاكتفاء الذاتي لبعض الوقت؟
وبرضو اعيد لو كنتي شريتي الكتاب الثاني لنفس المؤلف لماذا الرجال من المريخ والنساء من الزهرة يشرح كميائية السعادة ويعطيك النشاطات اللي ممكن تعطيك شعور السعادة بحيث ماتكوني عبء على الزوج بالكامل..
وضعكم طبيعي جدا
وصحي جدا
زوجك انسان رائع ومحب ومضحي
مثل ماأنت محبة مضحية
ينقصك التوازن وفهم اعمق للرجل
|
ممتاز كلام رائع .. على فكرة نزلت الكتاب عندي على الجوال واقرأ منه بس مو دايم .. نصحتني روح الله يجزاها خير اسمع لاستشاريه رائعة .. تصدقين إني استفدت منها اللي عمري ماكنت أعرفه عن الرجل!! أتوقع كلامها بيكون أكثر واقعية وإيجاز للكتاب لذلك أنا اسمعها على طول..
عموما ريحتيني بكلامك .. واسأل الله أن يجزيك كل خير..
طيب سؤال : ماذا علي أن أفعل الان؟
__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..