اللي يقولون كلامي لمهرة غير والحين اتغير كلامي
أنا مو شايفة نفسي كدة.

ويا أخ ثبات
عطيني من كلامي مايدل على عدم الرضا والتسليم.

أعطيني من كلامي مايدل أني ضغطت عليه عشان يطلقها.

أعطيني من كلامي مايدل أني ضاغطة عليه عشان مايرجعها.

أعطيني من كلامي مايدل أني ما أبغى الولد.

زوجي يجيبه عند البنات والبنات كذا مرة يحطونه بعربية ويدخلونه المصعد ويرسلونه علي مع الأطفال.

البنات بيفهموني هذه مو مسؤليتنا،وهذه مسؤوليتك أنت زوجة أبوه احنا وش دخلنا..صح هم ساكتات لكن التصرفات تنطق.

زوجي يرميه ع البنات والبنات يرمونه علي وأنا كبش الفداء.



رغم إني شايفة الولد مو لازم يجي كل يوم،مرة بالأسبوع يكفي،،مع ذلك ماقلت عشان ما أطلع زوجة الأب الشريرة اللي كارهة الولد وماتبغاه..خلاص يجيبه بس يرعاه بنفسه مايتركه لفلان وعلان.

يمكن زوجي هدفه أبادر من نفسي وأتكفل بالولد،وهالشي مستحيل أسويه من نفسي مالم يطلب مني..لكن الولد يتبهدل لا وألف لا..واللي ما أرضاه لضناي ما أقبله على غيره.

عموماً زوجي تفهم الوضع..وانتهت المشكلة..وهو بنفسه صار ينتبه للصغير..والوضع الحين جداً مستقر ولله الحمد والشكر..



ثم يا أخي أنا مو ملائكة عشان أتعامل مع الموضوع بشكل عادي وأسعى وأستميت لإرجعها..

وجالس تكتبلي عن الإحسان والأجر..كأن أمرهم بيدي،بيرجعون لبعض هم أحرار،ما بيرجعون هم أحرار.مالي دخل.
وأبواب الخير كثيرة ممكن أكسب أجور بأي طريقة.

أنا مافرقت بينهم عشان أسعى لترجيعهم..والولد ماشاء الله مو ناقصه شي،أبوه ملبى طلباته مادياً ومعنوياً،حتى أخوانه بدؤوا يستلطفونه.
وماهو أول ولا آخر طفل ينشأ بين أبوين منفصلين،،المهم اشباع حاجاته العاطفية والنفسية والمادية وهالشي مستحيل زوجي يفرط فيه.