رد: طلبت الطلاق مستجدات الرد (1139)
البارحة راح يصلي العشا مع سلطان .. وبعدين رجّعه البيت وطلع .. وأنا نمت قبل ما يرجع.
ما تأخر .. رجع حوالي عشر ونص.
قبل ما ينام شغّل المكيف. (الجو صاير حار شوي عندنا هاليومين)
بعدها بشوي يتني كحة .. فهو افترض إن برودة المكيف هي السبب فقام سكّره.
.
.
.
حوالي الساعة ثنتين ونص قلقت من نومي ونشّيت .. لقيته يالس .. سألني: حرّانة أشغّل المكيف؟
قلت له: لا.
قال: مب بالعادة تتحملين هالجو.
قلت: الجو زين .. بس إذا إنت تبا المكيف باشغّله.
قال: لا .. بس عشانج إنتي.
قمت من السرير فسألني: شو بلاج؟ .. قلت له: بروح الحمام الله يعزكم.
طلعت من الحمام ورجعت السرير.
سألني: متى تطلع نتيجة الفحص؟
قلت: باجر باكلم الدكتورة.
قال: هي شو قالت لج لما رحتي لها؟
قلت: تقول قرحة. (الدكتورة فحصتني في العيادة وأخذت مسحة من عنق الرحم وبعدين حولتني لعمل صورة الألترا ساوند)
قال: ما عطتج شي؟
قلت: عطتني دوا مؤقت لحد ما تطلع النتيجة.
قال: خير إن شاء الله.
وانتهى الحوار.
.
.
.
اليوم الصبح ياني وأنا يالسة في الصالة سألني: متى تبين تروحين الجمعية؟ (أول أمس قبل ما أروح المستشفى بعثت له أطلب منه بطاقة البنك عشان أروح الجمعية .. بس هو ما رضى وقال لي: خلي الجمعية الحين .. خلصي المستشفى وارجعي ارتاحي .. وأمس كان موعد صورة الألتراساوند فما كان في وقت أروح أشتري أغراض البيت.)
قلت: اليوم بروح.
قال: أي ساعة تبين تروحين .. بروح وياج.
قلت: ماله داعي.
قال: ما في .. بروح وياج.
ما رديت.
وبنروح الجمعية عقب شوي.
__________________
اللهم طِيبَ الأثر .. وحُسْنَ الرحيل.