المشاركة الأصلية كتبت بواسطة غـادة..

مبتعثة بكل شيء الوسطية كويسة ،
أكبر غلط ان الوحدة تدخل مندفعة وتعطي وتعطي من البداية .. لأنك ماتدرين عن ظروفك بعدين .
فالأفضل بالبداية خلي صرفك يقتصر عليك وشوي شوي اذا شفتي انه شخص كويس ويستاهل شيلي بعض المسؤوليات .

بالضبط مثل البنت لما تندفع وتدلع زوجها بالبداية ع بالها الموضوع بسيط ، صديقتي كانت تجي من الجامعة وتمر سوبر ماركت تشتري اغراض الغداء ، وتسوي غداها وتبخر بيتها وتكشخ واذا جاء الزوج جهزت له جلسة مساج نص ساعة وينام وهي ترتب البيت وتجهز حلاها للقهوة المغرب .. الخ

يوم يومين اخر شيء تعبت لانها بشر وانسانة طبيعية تحتاج للراحة ، طبعًا التغير ماعجب زوجها واستمر يعلق ويزن ويحن يبيك ذيك الأيام

فـ أحسن شيء خليك ع نظام نقدرين تستمرين عليه مش مرهق لك ، وأبدًا لا تجيبين طاري إنك راح تساعدينه وبتشبلين مسؤوليات ، لا لو جاب الطاري قولي المال لسعادتنا وراحتنا واللي تبيه أبشر لكن بدون تحديد عشان مايحط في باله انك عليك هالشيء اجباري .

وقد يكون راتب زوجك كبير ومو محتاج مساعدتك ، فاحمدي ربك وتنغنغي دلعي نفسك براحتك ،

( وأنا ضد انك تحرمين نفسك عشان مايتعود زوجك ) طالما ربي أنعم علي بفلوس ليه أحرم نفسي ؟

الله يوفقك ويرزقك حياة كريمة وهانئة يارب ❤