المشاركة الأصلية كتبت بواسطة بنت الكرام

بقولك شي .. انا صار لي موقف مشابه
عندنا دكتورة تحس نفسها محور الكون و كل الكون مترصد لها و يحاول يأذيها او يتعمد ينكد عليها
من ابسط شي تنفجر و تصرخ لفترة طوووويلة

يعني مثلا تتأخر طالبة دقيقتين او ثلاثة
يصير هالموضوع محور المحاضرة ساعتين كاملة و ياليت بأسلوب حلو
ـ اول شي تتصرف بشخصنة و تهاجم الطالبة بشكل شخصي
ـ و تستلم الطالبة طول المحاضرة و تقط نغزات

و مو بس معنا .. مع كل موظفات الجامعة
مرة كذا صار لها موقف قدامنا مع مسؤولة الجداول و صارت تصرخ و و
و تحس انهم اهانوها شخصيا
و مره مع قسم الكمبيوتر و الصيانة .. احس انها تنجرح بالصميم و تنقهر على نفسها

الزبدة انا كنت كبش الفداء الأسبوع اللي راح

و استلمتني على شي هي غلطانة فيه مليون بالمية
و ظلت تنكد علي ساعتين كاملين
و انا طبعا ما سكتت : )
و هي تتكلم رفعت يدي بلباقة "وقلت لها اسمحي لي دكتورة مع احترامي لك
بس ما اشوف اني غلطت في الموقف هذا انا كذا و كذا و
و هالموضوع استفزها جدا و صارت تصرخ اكثر "
عموما انا طلعت منها و رحت دايركت حذفت المادة و ريحت راسي
لعدة أسباب :
ـ انها تتعامل بشخصنة و تحاول تهزني من داخل انا و غيري "بمعنى تستخدم اوصاف و احكام"
ـ انه الموضوع وصل للدرجات و هذا الأهم و قالت من الحين انتي درجاتك صفر
و انا اهم نقطة عندي درجاتي
و اقاتل عشان الربع و النصف درجة
ـ بأسلوبها البايخ هذا نكدت علي يوم ككككامل .. و انا ماعندي استعداد اتحملها 4 شهور و هي تتصيد الأخطاء و تتعامل بأسلوب غير محترم و تكبر المواضيع
ـ ليست قوية في طرح المادة العلمية "معظم محاضرتها هياط و حديث عن سفراتها و و "
ـ عندي بدائل و هي الإعتذار او الحذف .. صحيح هالشي بيخربط خطتي للتخرج
لكن اهم شي عندي درجاتي + نفسيتي