السلام عليكم .
ان انخطبت قبل فترة والحمدلله تم الموضوع وكل شي بس في شي صراحه جدا مضايقني وماعندي احد افضفض له
لمن انخطبت وبعد النظره الشرعيه ولمن سألوا خطيبي المصون عن رأيه فيني قال كل شي عاجبه بس اني دبه ، وانا حساسه جدا من دا الموضوع ،بصراحه اعترف اني كنت دبه وقت النظرة بس جرحني ليش يعيب في بنات الناس
واحس لمن افتكر دا الشي مرا يأثر فيني ومرات ابكي والله ، مع انه الحمدلله انا الان قدرت انحف وخسرت كثير من وزني بس كل ماافتكر دا الشيء اتضايق واقول يمكن مو مقتنع فيني ،
تاني شي عندي سؤال لكل خاطب ماملك هل تفكر في خطيبتك؟؟
دايما يجي على بالي خطيبي اقول ياترى هو يفكر فيني ؟؟
(تم تعديل العنوان ليتناسب مع المضمون)