اختي المبلغ بصراحه ما كان يستاهل انك اطالبين بشهود و توثيق وغيره .. خصوصا انه زوجك من 4 سنوات يعني المفروض تكون بينكم ثقه ..
لما جاب المبلغ من عند صديقه وقالك لك هذا صديقي واعطاني من غير توثيق ومن غير شهود كان يقصد جانب الثقه والا هو ما همه المبلغ في هذه اللحظه .. اكيد انك تسببتي له بجرح وهذا الشي ما يعرفه غير الرجال لذلك تضاربت بعض الردود بين النساء والرجال فاغلب النساء تكلموا عن المبلغ اما اغلب الرجال فتكلموا عن جانب الثقه المتبادله بين الازواج ..
على العموم هذه مب نهاية العالم يا اختي .. هذا زوجك شهر شهرين ثلاثه عقب بتعود المياه الى مجاريها .. حاولي انك تراضينه بهديه بسيطه وتجلسين معاه جلسه حوار رومنسيه وتقولي له انا مادري كيف فكرت اني احط عليك شهود وتوثيق وانا احبك ولفلوس ما تسوى انها تخليك متضايق مني ومن الكلام هذا الرومنسي وان شاء الله تعود المياه الى مجاريها ..
بس اتمنى انه ما يستغل ها الموقف ويطالبك بقرض اضعاف اضعاف السابق ^_^