أنا ماطلبت ولا أطلب من عيالي يتخلون عن أبوهم وأخوهم الصغير..

لكني اكتشفت لأني صبرت وتمالكت نفسي صار مشاعري مالها أي قيمة عندهم أو بالأحرى صار عندهم عدم احساس وعدم اكتراث بمشاعري.

الظاهر كان لازم أسوي جنان بالبيت عشان يحسون فيني،أنا ما فُقت من ألم صدمة زواجه يجيبون لي ولده ،!!؟

كنت أبي منهم ذرة مراعاة لإحساسي،
بالله مافي مخرج وانعدمت الحلول ومابقي حل غير يجيبون الولد!!
مهما كنت صبورة في النهاية أنا انسانة وأنهار،

وبعدين أحمد جاب الولد وخلّى زوجته أمام الأمر الواقع.ماأشوف تصرفه صح.

المفترض يعطي زوجته خبر،يهيّئها،هي ماهي مجبورة تشيل الولد ولا هي مكلفة فيه،
ولاّ عشانها طيبة وبنت حلال خلاص يستغل طيبتها!

مايصير حتى لو بيجيبون الولد لازم كل شي حسب الأصول،ولا عندنا مرضع ترضعه فليش العجلة..الدنيا مو طايرة،،ماراح يكونون أَحَن على الولد من أمه.،،

عيالي مضايقين جداً من زواج أبوهم ومن إنجابه،فليش ماتركوا أبوهم يعالج الموقف، وإذا طلب مساعدتهم يفزعون،لكن الشهامة قطّعتهم..

وللعلم أنا ماني عدوة للصغير ولا متحاملة عليه بالعكس حانّة على حاله بقوة،لكن ماكنت أبيه يدخل البيت وهو عنصر مرفوض،بما أنه ولد زوجي خلاص يدخل في ظروف أفضل وهو مقبول والكل مرحب فيه عشان يصير محبوب..