طيب لنفرض اني غلطان

1- انا طالب نقل على منطقة اهلي واهلها لكن متأكد مابيجي قبل 6 سنوات على اقل تقدير او 10 تقريبا
يعني اذا نقلت في منطقة عملي بنطلب نقل مابنستمر طول الحياه بس لين يجي النقل

2- دوامي يوميا والطريق متعب جدا مااقدر اداوم 400 كم 200 رايح و200 جاي

3- هي تداوم في منطقة تبعد 180 كم من عند اهلها واقترحت عليها اننا نسكن في منطقة وسط بين عملي وعملها بحيث تقل المسافه إلى النصف عليها ورفضت بحجة انها قريه مع ان فيها كل الخدمات

وقلت اني في اي وقت تبي اهلها مستعد اوديها

يعني لو كان عملها في نفس منطقة اهلها ماقلت الا تنقل معاي

4- شخصيتي حساس نعم صحيح لكن عندما اقول مو متقبلتني فأنا لي حق اذا حتى كاس شاي ماتسويه لي
اذا الكلام الحلو بالقطاره ومجامله بعد
اذا احاول ارضيها بأي شي وهي ماهمها رضاي او زعلي

ومسألة النقل لو كانت اوضاعنا مستقره مااصريت عليها لكن اغلب مشاكلنا سببها البعد
وحسيت اني ماعاد اتحملها بالشكل هذا

الناس اللي زي وضعنا يتقابلون في الويكند يكونون مشتاقين لبعض

واحنا نجي في مشاكل ونروح في مشاكل

على كل حال انا كتبت موضوعي هذا لأني مااقدر اتكلم الا هنا مااحد يعرفني ولا اعرف احد

قلت يمكن احصل حل

واذا غلطان مافيها شي اعدل خطأي