بالضبط!

إذا البنت شايله مصروفها ، فهذي مساعدة له!
لو ظلت بدون وظيفة بتتراكم عليك مصاريفها بعد وبشكل أكبر!
غلطت ؟ أي نعم ، غلطت بخروجها من منزل الزوجية عشان سبب مادي
لكن اصلاح غلطها بغلط آخر ؟!
أنت الرجل ، والسفينة بايدك
ويفترض ان قائد السفينة يكون انسان حكيم
خلك افضل منها يا اخي .. واشرح لها وضعك المادي بهدوء
عالاقل لو تعطيها مثلا 20 دينار كل شهر .. هذا ما بيزيد عليك!

وموضوع الوالدة ، من المتعارف مثل ما قالت مريم ان الجدات اهمه اللي ماسكين عيال عيالهم...
مع ذلك من الذوق لو تعطيها زوجتك مبلغ بسيط تقديرا لها..

وكونك كنت تعتقد انها بتساعدك
ان ساعدتك بطيب نفس خير و بركة
و ان ما ساعدتك .. ما تقدر تجبرها!

الزوجة دايما تحب الرجب عزيز النفس..
مرة كان خاطري بشغلة .. زوجي قال لي انتظري بداية الشهر بشتريها لج حاليا عندي التزامات اهم..
ما حبيت اثقل عليه وكنت بشتريها من مصروفي..
لما عرف زعل .. وقال اي شيء تبينه انه اشتريه .. ومصروفج هذا حقج لا تشترين به كل شيء

ومرة صارت عزيمة وايد عودة حق اهلي
وحبيت اخفف عنه المصاريف .. وانه ادفع للبوفية
وهو حق باقي الاشياء .. يومها هاوشني
وقال انا الرجال هني.. فلوسج استمتعي فيها

ما تدري شكثر كبر بعيني! .. حسيت فعلا برجولته
لانه ما يبي ياخذ مني ديناااار...


واحب انوه حق شغلة
حلو ان الزوجة تساعد زوجها
بس لما يبدي هو يطلب منها ... لا طبعا هنس تبتدي تنظر في امره

__________________

حاجة الناس إليكم من نعم الله عليكم ، فـ لا تملوا النِعم ☁✨