فإذا انتي مشكلتك في غيرتك اللي أكيد هي سبب من أسباب بعد زوجك عنك
كلنا نغار بس بالعقل
مو تقولين غيره جنونيه
حطي نفسك بمكان زوجك
تخيلي زوجك يغار عليك لدرجة كتم انفاسك شلون راح تكون ردة فعلك تجاهه؟
اكيد راح تنفرين منه
علاوه على انك تظهرين حالتك النفسيه المتوتره قدامه وهذا غلط
يا أختي زوجك محلل له الشرع يتزوج اربع عارفه ايش يعني هذا
يعني ان تزوج مالك منه الا الربع
يعني مابيكون لك لوحدك
انا قلت لك هذا الكلام عشان اذكرك انك منتي متملكته عشان تقولين اغار عليه غيره جنونيه
اتركي الرجال براحته ووكلي الله
وعامليه بلطف ولسان حلو وابتسمي له حتى لو انك تعبانه
هذا لو انتي فعلا تدورين على حل
خليه يحس ان بيته جنته مو من يدخل يلقاك بوجهه عابسه وتحاوطينه من كل جهه
لاعاد تسألينه وين رحت من وين جيت ليش كذا وليش ذاك خليك بنفسك واكثري من الدعاء له بالهدايه والحفظ
يا اختي احنا مابيدنا نصلح شؤننا
كله بيد الله سبحانه
اكثري من قول : ياحي ياقيوم برحمتك استغيث فأصلح لنا شأننا كله ولاتكلنا لأنفسنا طرفة عين
ابدئي من الآن
ان دخل عليك هلي ورحبي وانتي مبتسمه
وشوفي الشي اللي يحبه وسويه
ومو يوم يومين وتقولين مليت
لا
استمري
ومع الدعاء وقرآءة القرآن في البيت راح ينصلح حالكم بحول الله
نصيحه أخيره
لا تشكين همك إلا لله ولاتعلمين أي أحد بمشاكلكم عودي نفسك على الصبر
اوصيك بقيام الليل والدعاء في السجود ففيهما خير عظيم