اهل زوجي زعلو مني كثير وسموني موسوسه وجاء علي كلام كثير لكن الان وبعد ٧سنوات صارو يضربون فيني المثل في الاخلاق والادب
بالنسبه لي مايهموني المهم سمعتي وشرفي والله كان ابو زوجي يزعل مني يقول هم خوانك عادي وانا ارفض وجودهم معي او يصير بيني وبينهم كلام
ومره قالو لي البنات سوي غداء للشباب ماسويت سويت لابو زوجي وزوجي بس وقلت لخواته انا متزوجه زوجي ماتزوجت اخوانه وزوجي ايدني ياما شفت منهم نظرات اعجاب وابتسامات وانا كان عمري ١٧ لماتزوجت زوجي لكني كنت منتبهه على نفسي لان اهل ابوي مثلكم عادي زوجه الاخ تضحك مع اخو زوجها او تطبخ له او تغسل ملابسه وهالامر كان يضايق امي
ووحده من قريباتي مثل وضعك اخو زوجها دخل عليها بالغرفه بالليل ماسكتت صارخت ولمت اللي في البيت كله عليه بصراخها تقول اعتبره اخ فجاه يجي وزوجي مسافر انهارت مسكينه واهل زوجها بكل بساطه قالو انها مغريته واخوه تبلاها قال هي نادتني لكنها كانت تشكي لزوجها فصدقها زوجها وطلعها بيت الحالها
احيانا الرجل يفهم تصرفاتك معناها انك معجبه او راغبه فيه او تحبينه وانا اتوقع ان اخ زوجك يظن انك تحبينه بيني لزوجك الوضع
انا كنت اعلم زوجي بكل شيء قلت له ان اخوانك يطالعوني بنظرات ماتريحني اذا مريت وراقبهم ولاحظ نظراتهم صار يطردهم اذا جيت او يمنعني اطلع وهم فيه
لاتكوني غبيه يسهل استدراجك الامر بسيط كلمي امه او زوجك بيني لهم انك متضايقه من مزحه معك ابني حدود لاجل مايتمادى وتوصل للزنى وساعتها محد بينفعك وبتصيرين عار لاهلك ولولدك وماراح ينفعك لا اخ زوجك ولا امه قولي لاخته تسوي كل شيء يخصه وغرفتك خط احمر يتقفل بابك عليك انا كنت اقفل الباب حتى واذا نزلت لاهله اقفل جناحي واطلع وبينت لزوجي تضايقي من اخوانه وعيال اخته فطلب منهم يسهرون بغرفهم ومنعهم من الجلوس في الصاله

__________________