لماكنت عروس سكنت عند اهل زوجي اخوانه مع ابناء خواته واخوانه كلهم عددهم ١٤ شاب كانت جلستهم في الصاله اللي امام باب جناحي وكلما مريت انظارهم علي مااسلم ولاشيء ولا اعتبر لهم اي وجود
قالولي اخواته مره ليه ماتسلمين عليهم قلت بصفتهم ايش ماهم محارم لاجل اعطيهم وجه والرسول كرر الحمو الموت وانا مابي اخسر زوجي وسمعتي لاجل اخ زوج وقلت لهم عندنا بعائلتي عيب اللي تكلم اخوان زوجها من البدايه يعرفون حدودهم واعرف حدودي لان صالتهم قدام جناحي ويسهرون فيها وامر احيانا الحالي ومره دخلت بروح لجناحي تفاجات باخوه يلبس ماعبرته ولاطالعت فيه رحت اخذت اغراضي وطلعت الان كلهم يحترموني واذا سلمو رديت بادب وبصوت جدي بدون مياعه او دلع ويذكروني بالخير ويدافعون عني الحمدالله عارفين حدودهم وعارفه حدودي وحتى عيال اخته كنت اتمشى معهم واضحك لمابلغو تغطيت عنهم وعاملتهم مثل اخوان زوجي وعارفين حدودهم ويحترموني اذا صار شيء اسئل لكن ماابين لهم شيء لاني اعرف انهم بيفهمونها اني احبهم
اتذكر كانو يجتمعون في مجلس الحريم مع خواتهم وخالاتهم اجلس كاني صنم وماابين مني شيء لان عيب في عائلتي اني اعطي رجال غريب وجه وماتعودنا على كذا وكم مره طلعت من المجلس وفهموها اني مابي اجلس مع شباب صارو يسكرون الباب اذا جيت ويغضون البصر اذا مريت حياء مني فرضت عليهم تربيتي بتصرفاتي ولا اعرف اشكالهم عشت معهم ست سنوات ماشافو مني الا كل خير حتى لما انفصلت عن زوجي يقول كلهم تهجمو علي وقالو رجعها
عزيزتي انتي من تفرضين تربيتك واخلاقك امام اهل زوجك انا كلما شفتهم مجتمعين ودخلت مكان وشفتهم فيه طلعت او اروح المجلس الثاني وهم يفهمونها اما يطلعون او يسكرون الباب ويقولون للبنات روحو اجلسو معها وصارو يستحون مني امالما كنت عروس كانو يبون يمزحون معي ويقولون انتي اختنا وحاولو المزح لكن ماعطيتهم اي وجه واستحو مني

__________________