للأمل حكاية

أولا أسأل الله تعالى أن يفرج همك ويسخر لك زوجك ويرزقك سعادة الدارين

ثانيا موضوعك آلمني جدا خصوصا بعض التفاصيل التي ذكرتيها (حرقت قلبي صراحه)

المهم ياحبوبه لا تبالغي في الحزن والنكد وتنفري زوجك منك.. طالما هو مقبل عليكي ويطلب منك العاطفة عطيه اللي يبي (بس مو دائما خلك ذكية عطيه مره وتمنعي مره)

أما عن شعورك المتضارب بأنك مشتاقه له بس في نفس الوقت مو متقبلته مثل أول فهو طبيعي جدا.. جاهدي نفسك وتقربي منه وخليه يشبعك عاطفيا وجنسيا ولا تتنازلي عن هذي النقطة أبدااااا.. مهما كان هذا زوجك وحقك عليه انه يعفك ويشبعك

ولا تخلين الشيطان يوسوس لك ان زوجك خلاص عنده بديل وانه ماعاد يشوفك شي.. ذكري نفسك دائما بأنك أول انسانة حبها زوجك واختلى فيها وان فيه بينكم ذكريات ماراح يمحيها الزمن (غير ان العيال اللي بينكم نقطة قوة لك)

أهم شي لا تقصرين على زوجك في شي عشان ما ياخذ عليكي مأخذ وفي نفس الوقت عيشي لنفسك واسعدي نفسك بنفسك .. وان كنتي تشوفين سعادتك مع زوجك مافيها شي حقك.. انبسطي معاه آخر انبساط في يومك واقترحي عليه تطلعون تتمشون تغيرون جو

وأياكي ثم اياكي تجيبين طاري زوجته الثانية وللا ترسلين له أو تكلمينه في يومها ونفس الشي اطلبي من زوجك انها ماتكلم ولا ترسل في يومك

وبالتوفيق

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا