اخوي صاحب الموضوع ابذكر لك عن بعض مشاكل الاحلام
احد اصدقائي اخوه اللي اصغر منه جاه مرض نفسي لان فترة مراهقته وبلوغه ماكان فيه استقرار في عائلته وكان عندهم بعض المشاكل اللي تشتت الشخص خلال فترة يكون فيها في بداية مشوار الحياة. المهم امه من اهل الاحلام وحاطه في بالها ان الولد جايته عين ومره سحر ومره مادري ايش ورافضه انه يتعالج كله لانها تشوف احلام وتفسرها على كيفها.،
صديق ثاني لي والحين هو يدرس الجامعه ، امه واخته من حقين الاحلام. ابوه كان ساكن في مدينة ثانيه بعيد عن عياله فما يعرف ارضهم من سماهم . وكل يوم اتهامات ومشاكل مع الناس وتهديدات مالها سنع. يوم ترسل لاحد معارفهم تقول ابشتكيك بالشرطه لانك ساحرنا واذا سألوها كيف عرفتي انه ساحرك تقول شفته بالحلم. وبيوم تقول فلان سحر ولدي ودعاوي وتفضحه عند العالم واذا سألوها تقول شفته بالحلم. ومن افعالها خلت وحده من جاراتها تطلع من بيت زوجها بعد زواج اكثر من ٢٥ سنه بسبة هالاحلام والحين صديقي ماسمع صوت امه من سبع شهور والسبب انها شايفه فيه حلم وزعلانه عليه. وهو مسكين لو ارفع عليه صوتي يمكن يبيكي من طيبته

فاقول لك احمد الله انك ماكملت معاها لانها بتأذيك باحلامها وتصديق هالعينه من الناس للاحلام وتفسيراتهم على كيفهم مستحيل تروح بيوم وليله اذا كانوا متعودين عليها سنوات والله يشفيها من مبتلاها