رد: طلبت الطلاق مستجدات الرد543
هو عارف إلى أي مدى من الطحن النفسي وصلت.
المشكلة اللي قبل هذي (اللي كتبتها في الكوفي) قلتها له صراحةً: مب قادرة أتحمل حكاية زواجك لحد الحين.
انفعلت لدرجة إني لبست عباتي جدامه وكنت ناوية أطلع من البيت.
حتى قلت له إني رحت عند طبيب نفسي.
ما ناقشني حتى في هالجزئية .. وكل اللي قاله: كيف تروحين من وراي؟!!!!!!
لما كنا مسافرين .. تعرفنا على أم عربية كانت ياية مع ولدها المراهق .. ترافقنا في أكثر من جولة سياحية وتصاحبنا .... في أحد الجولات اللي المفروض إن كان فيها وقت مستقطع للتسوق لقتني ما اشتريت شي .. قالت لي وهو واقف: يا أم سلطان ترا يقولون إذا الحرمة ما تصرف فلوس زوجها يتزوج عليها!
وانعفس يومي كله.
والمشكلة الحالية بدأت من قبل أكثر من أسبوعين .. بعد ما رجعنا من السفر مباشرةً .. وطلبت حينها نتفارق.
الله يخليكم لا تحاولون تقنعوني إنه مب فاهم.
بعدين .. أساساً هو مب مال نقاش .. وسبق وضحّت هالنقطة في أكثر من موضع .... هو يسمع فقط ولا يحاور أو يناقش.
الخلاصة .. لما يكلمني يصير خير.
لكن أنا أروح أكلمه .. لا.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 25-01-2016 الساعة 01:57 PM