اقتباس:
المشاركة الأصلية كتبت بواسطة مهره
دعيت ربي كثر ما قدرت .. رحت العمرة من سنتين .. قضيت أسبوع كامل ما دعيت إلا لنفسي في كل سجود وطواف إن الله يزيح عن قلبي هالهم ..... حتى عيالي ما دعيت لهم في هالعمرة يا شوق.
كنت أتحرّى أوقات الاستجابة وأدعي وأستغفر .. ذكّرت نفسي بالقضاء والقدر .. وأن المؤمن مبتلى .. وأن الصبر مفتاح الفرج.
قلت رزق كتبه الله لها مع زوجي .. ومب من حقي أتحكم في أرزاق غيري.
قلت خليه واجهة على قولتكم .. بنك يصرف علي وعلى عيالي .. وما دام مصلحتي متحققة فما علي من سوالف العواطف وهالخرابيط.
حطيت مجهر على كل أفعاله الزينة معاي وقلت: ما دام تشوفين منه شي طيب خلاص تجاهلي الأمور الثانية.
ومع ذلك ما لقيت شي يجبر كسري يا شوق.
|
مهرة و الله تأثرت لكلامك كثيرا
لاني لامست معاناتك
و هذي الجروح لا تطيب للاسف لانها ممن اتعشمنا منهم الوفاء و عدم التخلي عنا,
اسأل الله ان يغير حالك لافضل الاحوال و ان يجمع شملك و يروقك الطمأنينه و السكينه