اقتباس:
المشاركة الأصلية كتبت بواسطة مهره
إجازته كانت المفروض تبدأ من ثلاث أيام .. لكنه ما رجع البيت ولا أعرف عنه شي.
أمي في الحقيقة انصدمت .. لأني بالعادة ما أشتكي من شي .. ولأننا ظاهرياً ما فينا شي يوحي بوجود مشكلة.
ويمكن اعتقدت إني تكيفت وتأقلمت.
حاولت تثنيني .. وكلمتني ـ مثل المرة الماضية ـ عن التجاهل (وما عليج منه يسوي اللي يبغيه .. المهم إنتي وعيالج)
لكني وضحت لها إنه طول ما هو جدامي .. وطول ما أنا أشوف التفاصيل اللي تأذيني ما راح أقدر أتجاهل .. وما ينفع أشوف شي يجرحني وأعمل نفسي مب منتبهة والا ما انجرحت.
قلت لها: أنا ما أنفع أكون زوجة لريال عنده حريم.
أنا تزوجته لأني حبيته .. ولأني كنت أعتقد إنه يحبني .. مب عشان أي شي ثاني .... وما دام هالحب راح وهو يحس إنه يبا يعطيه لحد غيري .. فاللهم لا اعتراض .. لكني ما أقدر أستمر في حياة بهالشكل.
بكيت جدامها وقامت حضنتني ومسحت دموعي .. وقالت: الله يعلم إنج أعز من بناتي .. ولا أرضى عليج .. ومادام تحسين إنج بتكونين مرتاحة بهالقرار فما أقدر أمنعج .. ووعد طول ما أنا عايشة محد يأذيج ولا يهينج.
ووعدتني تكلمه أول ما يرجع البيت.
مع إنها لمّحت إنها ما بتقدر تجبره إذا هو رفض الطلاق!
|
يحاول يضغط عليك بغيابه ويبيك تتراجعين زي كل مرة.
عموما مهرة حبيبتي أنا حابة أسألك .. هل طلبك هذي المرة فيه خط رجعة؟
هل إنتي ببالك إنه ممكن يتغير ويحاول يصلح..أو قلبك مقفل تماما وموب مستعدة تعطينه مزيد من الفرص خلاص؟
هل كلمتي أحد اخوانك...أو تفضلين عدم تدخل أحد
اللي أبغاك تفهمينه إن رجلك رجل معتز بنفسه ويرى نفسه فعلا ملك وحوله عديد من النساء يعشقنه.
أنت امرأته الأساسية وأم أولاده .. طلبك للطلاق هو اعتداء بنظره على شيء يمتلكه
هو لا يريد أن يعطيك حقوقك أنت والأطفال وبنفس الوقت لن يعطيك حقك بالطلاق
هل أنت مستعدة لخوض هذه المعركة معه أم لا ؟
أتمنى لك حقا العوض الجميل من هذا الرجل الذي جرحك كثيرا