رد: اختي اخطأت باللعب ب العاب محرمه مستجد 62
صباح الخير
حقكم علي اكتب المستجدات بالرغم اني اتعذب من كتابتها
اختي مع الجلسات زاد البكاء عندها وصارت تتحسس انه نكرهها ومانحبها ونحب اخوي الصغير اكثر منها
بالاجازه حاولنا نلتم حواليها بس طبعا الوالد سافر يومين بحكم اعماله
ورجع
طللعنا واتمشينا وغيرنا جو اكلنا برا تسوقنا انبسطنا
بليله جاتني وانا عندهم وكنت مستقصده اسهر ابغاها تتكلم
قبلها رحت نمت بسريرها وحصلت دفتر ذكريات لها غير الاساسي
طبعا كاتبه كلام يبكي اكبر من عمرها
عن الالم والندم والخوف
جاتني وقالت عندي هم كبيير ساعديني
اخذتها ومسكت يدها وهديتها وقلت مستعده اسمعك واساعدك كمان
وبينت لها ان الانسان الي يغلط ويتمادى بالغلط هو الغلط والي يبحث عن حل معناته مو راضي عن الغلط
قالت حملت لعبه بجهازي الايباد ومن ضمن مراحل اللعبه لازم ندخل احياء اعتقد فهمتوها اللعبه هاي دي
واحنا نتكلم بالحي واحد قعد يسولف واعجبني كلامه وقال وش رايك نطلع بحي لحالنا وطلعوا
وتمادت العلاقه وسوا لها حساب بالكيك وقال حمليه الله لا يوفقه ويجعله الموت
يستاهل كبير مقارنه بعمر اختي طفله
ضحك عليها واوهمها بالحب والبنت كانت محتاجة نتيجة اهمال اهلي
تقول اذا جيت ابتعد عنه واروح لاامي احصل امي عالانستقرام او الواتس او طالعه
واخواتي دراسه او جوال
واخواني دراسه او طلعات والكبار متزوجين وكل واحد بمنطقه
وانا حملي ثقيل ولدي يحتاجني كثييير غير حياتي الزوجيه الركيكه ودوامي
المهم هي كسرت جهازها بشهر صفر بس تقول اشتاق له ولاهتمامه
وبنفس الوقت كرهت نفسي اني سويت معاصي
انا لما قالت لي اعتبرتها فضفضه ووجهتها
بس قلبي تحامل عليها وزعلت وصرت اخاف تسوي شي
اذا عمرها 13. وطلع منها كل هالبلاوي الله يهديها وش بتسوي بعدين
تغيييرت تماما
نحفت وكثيرة السرحان والبكاء وتعتقد انه نكرهها
والله العظيم وقفت مشلوله
حملي ثقيل
ولدي الحين اراجع فيه لتحديد درجة التوحد وايجاد مشكلته تماما واخذ توصياتهم وتقريرهم
واختي خايفه عليها
وبيتي اهملته تماما وزوجي ايضا عالهامش يجمعنا نفس المكان
وشكلي وكل شي
وجهوني ايش الطريقة الصح
كيف احميها وكيف اوعيها بدون مااكسر لها قلبها او اتعبها
التعديل الأخير تم بواسطة ويبقى الحنين ; 20-01-2016 الساعة 06:21 AM