كلكم مجمعين لازم أتودد له..

طيب والبارح لما مسكت ايده ولا عبته ما استجاب هذا مو تودد؟؟
يمكن دقيقتين وأنا ألاعب كفوفه وأمسح عليهم وأشبك أصابعي بأصابعه،هذا مو تودد؟؟
الرجال ماخذ وضعية الميت.
ما حبيت أزود عيار الحركات يفهمني بشكل ثاني..

كنت منتظرة بس يضغط على إيدي أو يقرب مني أو يمسح على راسي.. أي شي..
صحيح الكلام بيننا شبه معدوم ..لكن أطبخ كل يوم..وأستقبله بإبتسامة وأودعه بإبتسامة ودعوة ،،هذا مو تودد..
أنا مو مكشرة ولا مبوزة بوجهه لكن الوضع فارض نفسه صمت وهدوء..

وربي إني أنا كمان محتاجة إحتواء مو بس هو..ياناس أنا بشر.

ياناس عشرة العمر تُباع بهالبساطة مو معطيني وجه..
مو أنا لوحدي الغلطانة هو كمان غلطان... أجل كيف راح يعاملني لما أكون أنا الغلطانة ١٠٠%
الليلة جلست جنبه ع السرير وداعبت شعراته وراسه برضه مافي استجابة..قلت له والله منت نايم الليلة إلا وأنت راضي عني ،، ألف وجهه علي مو راضي يستجيب..يسوي نفسه مو سامع ولا حاسس..

فهموني كيف أتودد له..

واللي يقولون ما أستبعد زواجه.. يتزوج القلب داعي له لأني فعلاً أحبه..المكتوب مامنه هروب،، مو بيدي شي أسويه وماسويته..