لو نظرنا للقصص والتجارب الفاشله في كل امر ماخضنا شيء من متاع الحياه..

بالنسبه لمشروع الزواج الجميل هو مبارك من الله قبل كل شيء
وحثت عليه احاديث النبي عليه الصلاة والسلام ولا تطرقو وقتها ان فشل هذا الزواج او لا مع انو بوقت النبي كان فيه حالات طلاق
يعني بهذاك الوقت اللي الكل فيه كان طاهر وملائكي فيه حالات طلاق ومن اصحابه بعد صلى الله عليه وسلم ... ليش ماخافت الامه كلها من الطلاق واعزفت عن الزواج ؟!!
لان الفطره تقتضي ان تزوج اولا واعقلها وتوكل وماشرع الطلاق الا لان فيه الخير الكثير للطرفين فاذا استحالة الحياه بين الزوجين فالحل الطلاق ...
وانتا ماتدري ايش ظروف خالاتك وقريباتك بطلبهم الطلاق
ممكن كانت الحياه مستحليه وكانت المشاكل اعظم ما اظن ان كل هالنساء بعائلتك يتدلعون ومو وجه زواج ...

لا يكون عندك الزواج معادله حسابيه بخسر وبدفع وبحط وبعدين بتطلب الطلاق
هالشيء واجب عالرجل الخساره والمهر هي امرأه مو سياره او سلعه نقوم نحسب ونقسم ونظرب ونحاول نطلع ب أقل الخساير الرجل اللي ينظر للزواج بنظرة الخساير ماراح يلقى له من ترضى ترتبط فيه البخيل وان لقى فراح تكون حياتهم مشاكل وراح يطلق بالنهايه ويخسر لان الحياه الزوجيه مو مسألة ضرب وقسمه وحسابات !!!

انتا اخوي الكريم تفائل بالخير والرسول قال تفائلو بالخير تجدوه }. يعني جزما تجدوه
وربي جل علاه قال بالحديث القدسي انا عند ظن عبدي بي ..)
توكل على الله وابحث عن البنت اللي تكون تقدر الحياه الزوجيه ولها رغبه تامه بالزواج حاول تدور عن بنات بسن النضج من 25 وفوق لان الافكار والاهداف كلها تتغير وتكون مسؤله اكثر ..
طور نفسك وادخل دورات المقبلين عالزواج واقراء كثير عن المرأه ورغباتها ومطالبها بالزوج
زي مافي نساء فاشلات وهم سبب الطلاق الرجال الأفشل اكثر وممكن بعض النساء قدرو يتخلصو منهم ويتطلقو وبعضهم صابر ومحتسب ومشاكل النساء هنا من ازواجهم اضعافا مضاعفه من مشاكل الرجال
لا تضع اللوم على المرأه فقط فالرجل هو اساس الحياه وماتستقيم الا بإستقامته وكونه على علم ودرايه بالزواج واموره وكيفية حل المشكلات وما الى ذلك اما الرجل الجاهل المستبد بما لديه من علم قليل والمتكبر اللي يرى الناس كلهم مايفهمون وهو عالم زمانه هذا بيجيه من الزواج والدنيا مالله به عليم ..
وفقك الله واعانك ورزقك الزوجه الصالحه الودود الولود اللي تشيلك فوق رمش عيونها يارب