تدرين ليش مارد عليك؟
يمكن في قرارة نفسه يقول هذي كذابه لأن أفعالك تبين العكس في الطالعه والنازله تطرين الإنفصال

يمكن تقولين كيف يشك في حبي وأنا أساعده ماديا كلما احتاج؟ يمكن عطائك يفسره مثل ما اقترح أحد الأعضاء انه نوع من العطاء المشروط

يعني أعطيك فلوس بس في المقابل ما تعارضني وتسوي اللي أبيه

تذكرين لما اعترضتي انه يجيب أمه المريضة عندكم بالبيت وش قلتي؟ قلتي لا تجيبها وخذ الصرافه اسحب اللي تبي و عالج أمك أو شيء من هذا القبيل يعني كأنك تسكتينه بالفلوس

وموقف ثاني لما سافرتوا على حسابك وحصلت مشكلة بينكم كأن لسان حالك وقتها يقول كيف يتجرأ يعارضني في شي وينكد علي وأنا السفره على حسابي؟! هذا بدل مايشكرني عليها!

مشكلتك يا أحبه فيما يتعلق بالمال انك تعطين وتنتظرين من الطرف الآخر الشكر والتقدير والتمجيد وتنصدمين إذا كانت ردة الفعل مغايره

انتي تبين مقابل لعطائك والمقابل ليس مادي ولكن معنوي

المقابل هو أن يراك زوجك أجمل امرأة يتغاضى عن عيوبك لا ينتقدك في شي ولا يرفض لك طلب

صح كلامك لما قلتي انك بشر مو ملاك تبين اهتمام وتقدير وكلمة حلوة بس كمان زوجك بشر من حقه يقول رأيه ويزعل ويتصرف على سجيته

1- توقفي عن محاسبته
2- لا تفكري كثيرا في ردة فعله وماذا يقصد منها
3- تقولين انك طيبه صحيح؟ اظهري هذه الطيبة لزوجك
4- لا تأتين بسيرتي الطلاق والمال
5- خففي وزنك لأجل نفسك قبل زوجك
6- دائما استحضري إيجابيات زوجك والمواقف الحلوة بينكم واخزي الشيطان

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا