تذكرت نقطة مهمة ، امي بالضبط نفس حياتك .. كان ابوي يسمع لاهله وكانت بالضبط مثلك ودايم تروح لاهلها وترجع عشاننا ..
كانوا يزنون فوق راس ابوي ويسبون امي ويحتقرونها قدامهم وكان ابوي جدا جدا ظالم لامي ما انصفها .. وامي يتيمة الوالدين مافي احد يوقف بوجه ابوي ..
كان ابوي الله يجزاه الجنة ويطول بعمره لاهي عن امي فكانت محرومة ما تطلع ولا تروح ولا تجي بعكسه هو دايم يسافر ، ودايم يكشت ،

عاشت وانا اتذكرها دايم تبكي دايم كانت حاسة بالنقص دايما حزينة ليه كذا ظروفها وليه غيرها عايش حياته .. الحين تغيرت حياتها 180 درجة .. عارفك ليه ؟ لانها عرفت ان ابوي شخص عادي مو مستحق كل هالخوف اللي هي تخافه ! صارت توقف بوجهه وتاخذ حقها .. صارت بنبرة آمرة وبقوة تقول لا إذا مابغت شيء ، صارت تدافع عننا وعن بيتها وعن احتياجاتها ..
تدرين من وين جاها القوة ؟ لما تبلدت من كثر البكي والحساسية خلاص وصلت لمرحلة الجمود بعد 25 سنة زواج بائس صارت زي الثلج .
الحين دايم تقولنا متندمة ع سنيني اللي راحت ضيعتها بغباء .. كانت تحاول ترضي ابوي وترضي اهله وتهين نفسها .. ومو شايفينها شيء .. تضغط ع نفسها وتضغط علينا عشان ترضيهم ولا يملى عيونهم ..

احتى اهل ابوي تجاهلتهم تماما تشوفهم لكنها ماتحط عينها بعين احد منهم تقول ما اقدر من شدة البغض اللي ابغضهم مو قادرة اشوفهم .. وهم تندموا جدا عرفوا انهم كانوا ظالمين ويحاولون يعدلون العلاقات ..

قلت لك تجربة عايشت تفاصيلها لحظة بلحظة .. يارب تستفيدين منها .