مستجد :

خلال هالاسبوع اللي فات كنت امرها على بيت اهلها ونطلع نقضي امورنا وبعدها ارجعها على بيت اهلها .. طبعا لاحظت من يومين انها ماتبيني امرها ع البيت واخوها الصغير موجود .. تقول مثلا انتظر شوي واكلمك .. وبعدها قالت لي انتظر الى ان يطلع اخوي وبعدها مرني .. ماعجبني الموقف لاني حسيت كااني جاي سرقه لها وللبنت ..

تحديدا امس بعد الدوام كلمتني وقالت انها طالعه مع اخوها الصغير عازمها ع غداء .. وبعد مارجعت مريت بالمساء عشان اوصلها لبيت خالها تبي تشوف امها قبل ماتسافر .. واول ماطلعت معاي بالسياره لاحظت انها ماهي على بعضها .. متضايقه .. سالتها اش فيكي !! قالت متضايقه شوي ..

حسيت انه دار كلام بينها وبين اخوها على موضوعنا ومدري وش هو ..

بعد ماوصلتها رسلت لها كيف وش اخبارك قبل ماانام .. طبعا رسلت لي انا تعبانه وابغى اروح دكتور نفسيه يعطيني حبوب وانت منت مستوعب اللي انا فيه ..

قلت لها هالحبوب ادمنها مو كويس ولكن مايخالف نشوف دكتور وتاخذيها حسب استشارته ..وافقتني اننا ناخذ عمره قريب .. وتققول بكره اي اليوم انها تبي تجلس مع نفسها وتلاقي نفسها .. وانت لاتقلق علينا واطمن اننا بخير ..

بعد صلاه الجمعه صبحت وباركت الجمعه عليها .. ولكن ماقرت الرساله الى الان ..

من ناحيتي اليوم بروح استاجر شقه واخبرها بها الشي ..

عندي احساس يقول ان اخوها مكلمها ويقول لها مارتجعي مع زوجك والله اعلم ..