اللي حصل ان هالدوره تكنسلت بقدره قادر ..

واليوم اول مادخلت للواتساب بدات تكتب كلام عجيب غريب .. انت الحين قاعد تتكلم معاها واستمر واضح انك متيم وولهان وعشان كذا ماتبي تآخذني معاك وووو

انا رديت وقلت لها هاذي ماهي حاله واللي تسويه غلط بغلط وراح تتعبي نفسك كذا ووتتعبي اللي حوليك وبصراحه انا ماعاد استحمل افعالك وكلامك الغير واقعي ولا فيه أي نوع من الصحه وكلامك واسولبك هذا ماراح ينفعك ولا ينفعني لذالك هدي من نفسك وعدلي من اسلوبك وافعالك .. قلت لك وبينت لك مكانتك اكثر من مرره انا مااكلم ولا اشوف احد غيرك ..

ردها كان .. انا تعبت من الوساويس والشك ماعاد اثق فيك ولا في نفسي .. وخليتني اشك في نفسي وفي ريحتي وفي كل شي وصرت اطاردك في كل مكان وفي كل برنامج واهملت نفسي وبنتي وامور كثيره بسببك واي واحد يشوفني يقول انتي منتي هنا .. اخواني يسآلوني وش فيك وكل شويه تزيد الواسواسه والششكوك لآني كل مال احبك اكثر واكثر ..

رديت لها .. انا طيب هنا قدامك وبين يدينك وليه كل هالشكوك والوسواسه وانعدام الثقه .. انتي كذا تتعبيني حتى انا معاك وبدال ماننشغل في حياتنا ننشغل في حياتنا ونطوره ونزيد الالفه والمحبه .. ننشغل في أوهام ووساويس مالها لا اول ولا تالي والحين بالفعل مايفيد الكلام ونقعد نعيد ونزيد قلت لك مااكلم احد ولا اشوف احد غيرك وفكري في المستقبل وفكري كيف تتطوري وتهتمي فيني وفي بنتنا مثل ماوعدتني اني راح اشوف انسانه غير وهذا الشي بالتأكيد افرحني ولكن اللي اشوفه العكس تماما والسبب الشكووك الغير واقعيه وللمره المليون نبهتك مشاكلنا بيننا مافي احد له دخل نقطه مهمه بالنسبه لي وخذيها بعين الالتزام .. وانا هنا وعندك واشوف مستقبل فيكي !!!

هنا بدات ترسل صور لبنتي ومقاطع لها وتغير الموضوع .. بس طلبت مني اليوم اننا نعزم أمها بمكان واعتذرت لها قلت مشغول مع الوالده عشان عندها موعد بالمستشفى .. تحمدت لها بالسلامه

وصارت تسولف عن البنت وانا معاها وعن متى النقله وقلت لها بالويك اند راح استآجر ونرتاح الى ان تخلص الشقه الرسميه بعماره الوالد ..

الحين هي تحاول تقربني لي أهلها وتبيني اعزم أمها ونطلع معاها .. لكن من داخلي ماودي افعل هالخطوه حاليا .. الى ان يطيح حطبها مع اهلي وتبداء بالقليل الود والتقبل بينهم ..

غيره أتوقع ان هذا تخطيط نسائي عشان تحطني بصف أهلها وبالتحديد أمها وتنهي الموضوع معاهم وهي تستمر على ماهي مع اهلي ..