المشاركة الأصلية كتبت بواسطة روح الطير

شوفي احبه

اليوم صار موقف .. صحيت زوجي عشان ناخد الاولاد للحضانة
لاني بصراحة ابغى انام شوية و ارتاح .. امس طفشوني و ما قدرت ارتاح
و زوجي مواصل عشان العمل و الدوام ..

قام طبعا معصب و متنكد و قالب وجهه .. بس تجاهلت و ما دققت
بالعادة اراعي و اخليه يرتاح .. لكن المرة هذه لازم ارسلهم الحضانة

المهم
صحي و هو خارج .. كنت جالسة عالكنبة و لابسة العباية و ورايا الجاكيت تبعه
قالي بعصبية و مو بعادته ( بعدي كذا و دفني شوي )
ما بعدت و طنشته .. و قلت له بكل برود و ما طالعت فيه ( ليه تصرخ !؟ )

ما رد علي هو كمان و جاء بيخرج مع الاولاد ..
قالي ما تجي !؟ ما تبغي تروحي البنك !؟
قلت له ( روحوا لوحدكم ) ..
قالي ( احسن )
و ما طالعت فيه .. و انا بنفس جلستي .. و رجل على رجل ..

طنشني و أخذ الاولاد و خرج ..
و على طول دقيت عليه ابغى اقول له ( جيب عيش معاك )

و أصلا افتكرت اني ابغى اروح البنك عشان حسابي جمدوه ..
و بسرعة اجري و البس جزمتي الله يعزك .. و اخرج الحقهم للسيارة

كان بيركب الاولاد في الكراسي الي بالخلف ..
عديت من جنبه و رحت ابغى اركب الجهة التانية مكاني ..
عديت من جنبه و قلت له ( لا تكلمني )

و قالي ( ليش جيتي !؟ مو قلتي مو جاية !؟ )
طنشته و ما رديت عليه ..

قام قفل الأبواب من الزر الي عنده على طووووول ..
احاول افتح الباب و ما ينفتح ..

جلست واقفة مكاني و هو جالس في السيارة و يطالعني و يضحك
ياشر لي بيده ( ايش تبغي ؟ ليه جاية ؟ )
ما كلمته و لا طالعت فيه .. بس واقفة

بعدين ضغط زر الفتح .. و فتحت الباب و جلست و انا معصبة أصلا
قام يضحك و يقول ليش جيتي ؟
قلت له لا تكلمني ..

.
.

و خلاص صرنا نتكلم عادي بمواضيع .. و الموقف اتنسى ..

.
.

ليش ما قلت صرخ علي ؟ ليش ما قلت دفني ؟
ليش ما قلت طنشني و تركني بالبيت لوحدي ؟
ليش ما قلت قفل باب السيارة و تركني واقفة ؟

هو ليش ما قال صحتني من النوم بالقوة ؟
ليش ما قال تقول لي ( لا تكلمني ) ؟
ليش ما قال طنشتني و ما ترد علي ؟