ما شاء الله لاقوة الا بالله
الف مبروك والله يتمم لك على خير ان شاء الله
تلبيس الشبكة والله حلو وفيه متعه للعريس والعروسة ونفس الشئ خوف 😆

اهم شئ خلي الوالدة على يمينك واختك على يسارك لزوم فك الزنقات 😂

اخوي قبل شهرين ملك ونفس الصفات اللي ذكرتها خجول جدا طلب من امي ان ما احد يدخل معه غير ام العروسه واحنا خواته ولبسها واخذو لهم صوره ومشى ساعدته امي واختي في التلبيس ههههههه هو بس حط يده كنه يلبس وهم قامو بالمهمه بدله 😆

الله يخلف على طليقتك بالخلف الصالح امين
ممكن اقول شئ او ماله داعي 😁
عيالك لو فيه فرصه يجلسو عند امهم خلهم عندها الا اذا هي ما تبيهم حطهم عند امك وجب لهم شغاله افضل شئ لان الزوجة اذا طلب منها زوجها ان يجلسو عياله معه مارح ترفض بس بعد فتره تجلس تتكلم وتتضمر من الوضع مثل ما ارتاح في لبسي ما تمتعت في بيتي ابغى ارتاح ومن هذا الكلام وعشان تتقي المشاكل خلي عيالك عند امهم او عند جدتهم امك او ام طليقتك على الاقل حتى تمشي امورك وتاخذ وقت على بعض انت وزوجتك
الله يوفقك ان شاء الله ويجمعك انت وزوجتك على خير وبركه

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »