اقتباس:
المشاركة الأصلية كتبت بواسطة أحبه حبيبي
جزاكم الله خيرا .. وصلت إلى قناعة أن المرء هو من يصنع سعادته بيده ولا ينتظرها أبدا من أحد..
|
ممتاز جدا 👍
تعجبيني بدأتي تفكرين بإيجابيه
أسعدي نفسك وخلي السعاده
تنعكس على بيتك وزوجك
وحياتك ، سوي لك جو كل يوم
العصريه شبي البخور وعطري البيت
وتعطري وتزيني وحطي القهوه
مع الشوكولاته الي تحبينها ترى
الشوكولاته تحسن المزاج وشغلي
شيله تحبينها إرقصي وإفرحي لا تحطين
يدك على خدك وتفكرين بحياتك ومشاكلك
خلي همك على الله وتوكلي عليه ، ترى
الرجال مايحب المره الحزينه الكئيبه ، مو
بس الرجل الناس عموما تحب الإنسان
المرح ولا تاخذين كل كلمه يقولها بجد
حتى لو كان يقصد حوليها لمزحه وإضحكي
عشان تحسسينه إنك واثقه من نفسك ،
صدقيني العمر يمشي والحياه قصيره
حرام الأوقات الي تضيعينها في الحزن
والمشاكل وأنتي عارفه إن الرزق بيد
الله ومحد ماخذ الا الي الله كاتبه له ،
وخلي لك ورد يومي من القرآن وإلتزمي
بأذكار الصباح والمساء بإذن الله تتغير حياتك .
الله يبدل حالك إلى أحسن الأحوال .