أنا لا أعرفك ولا أريد لك سوى الخير..

ليش مرهق ذهنيا من التفكير؟
ليش متعب نفسيتك ع الفاضي؟


كل ردودك تبرر لنفسك وتعذر نفسك وترمي بكامل الخطأ على الزوجة..الين متى تعلق أخطاءك على شماعة زوجتك..هي السبب وهي اللي دفعتني ووو......الخ... طيب إنت مادفعتها لأي شي؟؟


أنا ماأبرأها من أخطاءها... أخطاءها فادحة وهنا نحن نسمع منك وحدك ولا نعرف وجهة نظرها..

كثير اللي يشجعوك على الزواج الثاني
كثر اللي يفرحون لك ويأيدونك


لكن محد حيواجه المصير الجديد معك
حتواجهه وحدك وراح تعيش كل تفاصيله وحدك وراح تتحمل نتائج القرار وحدك..

أنت وزوجتك وصلتوا لمرحلة متقدمة جدا من المشاكل بإختصار وصلتوا لمرحلة سيئة.. إنتوا فقدتوا الثقة والإحترام والتفاهم وهذه أهم ركائز الحياة الزوجية..وهذه ماتحل عن طريق استشارة في منتدى..تحتاجوا طرف ثالث محايد بينكم.. والإستشارة وجها لوجه تختلف عن المنتدى..

لهذا السبب قلت لك روح لمستشار واشرح له كل التفاصيل وخذ موعد وروحوا عنده إنت وزوجتك وأخوها وحلوا مشاكلكم بهدوء .. وراح تكون جلسات وليس جلسة واحدة...المهم إنكم تروحوا وتطبقوا كل الحلول والتوصيات.. إن الله وفق الحمد لله .. وإذا لا خلاص هذا أمر الله..

ماتبغى مستشار هناك أهل الخير كثر يصلحون بين الزوجين بسرية وكتمان ابحث وتخير والله يكتب لك الخير.
لكن لاتظل تعيش في نفس الدوامة وتدور في نفس الدائرة.