رد: كيف افهم زوجي اني ما اقدر اشارك في المصرو
اقتباس:
المشاركة الأصلية كتبت بواسطة ££ سحاب ££
مساء الخير نرجسيه ،،
الحل : انك تسوين جدول وتنظمين راتب زوجك طبعا بالتفاهم معااااه عشان ترتاحون الاثنين
يعني :اقساط ان وجد (....)
ايجار ( ..... )
كهرباء (......)
مصروف البيت (...)
فواتير الجوال والهاتف (......) تقريبا
مصروف للاطفال ان وجد (....)
اذا زوجك مو مركز ويصرف بدون ترتيب ولاتنظين للراتب انتي نظمي له
ولاتنسين الصدقه لو عشر ريال انويها وربي يطرح بحياتكم البركه
بالنسبه لك ،، بما ان راتب زوجك كويس انا ارفض شخصيا شغلتين رفضا باتا
الوحده تدفع حق الايجار وحق اكلها
ساكنين ببيوت اهالينا لاعمرنا دفعنا حق سكنا ولا حق اكلما وشربنا
ممكن تساعديه بشغلات اخرى ( بعقلانيه ) وبطيب نيه
واهم شيء الوضوح والحوار بينكم لاتكلفين نفسك وتكتمين بنفسك وفجأه تنفجرين عليه
وعادي خليك واضحه ماتبين تدفعين قولي مابغا ادفع الصراحه والوضوح حلوووه وتعودي عليها
مسأله انك بتسوين حساب خاص لك للتوفير فهذا ابسط حقوقك وماله دخل بالحساسيات بينكم لانو باختصار هوا القائم على امورك مو العكس
من حقك تسوين حساب وتوفرين وتسوين الي تبغى بمالك ما احد له عندك
دمتى
|
مع هذا الرد ..
أنا مريت بمثل وضعك الان .. لما كان راتب زوجي مايكفي كنت اساعده لانه مايستغل وكان فعلا هو محتاج وماعنده قدرة أبدا وعارفة إنه لو حفر في الصخر ماراح يقدر فساعدته .. لكن لما تعدل راتبه وصار يكفينا في البداية كان يبي يشاركني لكن أنا هنا وقفت له لانه احتياجه هنا جاي من عدم تنظيم وسوء تصريف لراتبه .. أول مرة ساعدته بس وقتها نبهته إنك لازم تعدل في طريقة صرفك وعطيته الطريقة 1 2 3 .. ووزعت راتبه .. وكنت اذكره علطول بالاساسيات عشان مايضيع راتبه في الكماليات .. وشوي شوي تعود زوجي على هالنظام وماعاد يطلب مني شيء لان اصلا وضعه تعدل وصار يصرف بشكل عقلاني ومنطقي وكل واحد منا صار يعرف التزاماته .. تصدقين نصف راتبي يروح قرض للارض اللي شريتها باسمي والنصف الثاني اشيله ولا يسأل عنه .. مصروف البيت ومصروفي وحتى السواق اللي يوديني الدوام هو يدفعه .. وماصار عندي التزامات الا الشيء اللي اننا من طيب نفس اشتريه له أو لنفسي .. يعني مرة اعزمه على عشوة في مطعم .. مرة اشتري له غرض هديه وهكذا ..
الله يسخر لك زوجك يارب
__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..