حبيبتي مصونات قصدي اذا ضليتي عايشة بهاجس الزواج وعم تندبي حظك رح يروح عمرك من دون ما تعرفي طعم للحياة
ورح تنر السنين وانت عايشة بالهم والحزن واسيرة التفكير فيه
بل المطلوب حبيبتي تتكلي على رب العباد وتطلبي من الله اذا في خير لك بالزواج وحياتك رح تكون سعيدة انو يسرلك امرك ويرزقك الزوج الصالح
وان كان شر الك يصرفه ويقدملك كل الخير
وربنا اعلم شو هو الخير الك
وعندها حبيبتي رح تعيشي بسلام ورح تستمتعي بحياتك ان كانت مع زوج او بدونه وان كانت مع ولد او بدونه
السعادة مش مرتبطة بزواج ولا باولاد ولا بمال
ممكن تشوفي ناس مزوجين وسعيدين وممكن ناس مزوجين وتعيسين
ونفس الشي العزباء ممكن تكون سعيدة وممكن تعيسة
وقيسي هالشي على كل شي متل اللي عنده اولاد او اللي ما عندو
يعني الزواج مش مقياس للسعادة
وما الو علاقة ابدا فيها
السعادة بتنبع من ذاته للشخص
حبيبتي مصونات بدي اسألك سؤال
معقول كل اللي بمحيطك مزوجين؟؟؟
ومعقول كل المطلقات بمحيطك تعيسين ؟؟؟؟
طيب انت جربتي الزواج وما كنت سعيدة فيه
فليش ضيعتي ست سنين بالحزن والبكاء على الاطلال
حطي اهداف براسك
من بعد لجوئك الى الله واتكالك عليه

اول شي تطنشي كلام الناس
وتاني شي تكملي تحفيظ
تالت شي ادخلي بنادي
رابع شي اسعي ورا وظيفة
خامس شي مارسي هواية بتحبيها
وووالخ....

واهم شي انك تقتنعي بنصيبك من هالحياة
ربما ربنا ما رزقك بالزواج بس بالمقابل انعم عليكي بالصحة ونعمة الحواس ان كان بالنظر او المشي او السمع
ونعمة العيش بين اهلك ومسكن وملبس ومشرب
نعمة العيش ببلد فيه امان
وشوفي كم شخص على وجه الكرة الترضية محروم من هالنعم وراضي بحياته
اسعي حبيبتي لتسعدي نفسك
وحاولي مرة واتنين ومليون كمان
دعواتي ترافقك دائما
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه