المشاركة الأصلية كتبت بواسطة mimomea

مثلا حبيبتي صباح رح احكيكي بعض النقاط على سبيل المثال
وقت صارت المشكلة ما المفروض من الوالدة الله يخليها فوق راسكن تبدأ بالاتصالات فيه
وكمان وقت اخوكي حكي معو اول شي يحكيه ويخليه يشعر كأنو صديقه او شخص مقرب منو
ويقلو يا فلان انت انسان محترم وكلنا بنعزك وكل انسان بيغلط وممكن تصرفك بدر منك لانك معصب او تعبان من شي وكلنا بنمر بهالشي
واختي فهمت منها لو كانت غلطانة انا ما رضى بهالشي وكنت بعتذر منك قبل ما هيي تعتذر
بس انا فهمت منها الموضوع وهيي ما غلطت وصارت بالصدفة تسكير الباب
وهيي من محبتها الك ومعزتك عند العيلة كلها كانت حابة تقبل العزيمة او تعطيها مبرر لرفضك
لانو لو الشخص ما بعزك ما كان بحب تشاركه ولو بفطور
وفي حال اختي غلطت انت الرجل السند الاساسي بالاسرة كان لازم تحتوي الموقف لانة العصمة بايدك وما كانت عن عبث الا لقدرة الرجال على الاحتواء
وانا عم احكيك من رجل لرجل
وفي اولاد بيناتكن بخصوك متل ما بخصوها
انا ممكن عيش اختي معززة مكرمة عنا ونخليها اسعد انسانة
بس الاولاد شو ذنبهن يعيشوا صراع الكبار ويتشتتوا بين امهن وابوهن
انتوا وقت جبتوهن على هالدنيا مسؤولين عنهم امام الله
وانت الك محبة خاصة بقلبها فاكيد سعادتها رح تكون مع رجال شهم متلك وبين اولادها

ومن هيدا الكلام يعني لازم يمدحوه وبنفس الوقت مش على حسابك
ولازم يحسسوه بغلطه بس بطريقة غير مباشرة
ولازم يتحكموا بانفعالاتهم مهما تصرف زوجك
ولازم يعرف انو وراكي اهل بس ما بدهن يدمروا حياة اطفاله

يعني ما يتركوله مجال انو يطلع بالعالي او يهدد

فهيك بيكونوا لا اترجوه ولا فرجوه انو انتي الغلطانة وبنفس الوقت انو المفروض يتصرف غير هيك
لعل وعسى يخجل ويراجع حاله


لانو وقت تتهجمي على شخص او تشترطي عليه رح يعاند اكتر واكتر
ويقلب الطاولة عالطرف التاني

احترامي