حبيبتي كنافة خلي ثقتك بنفسك عالية وما تنهز باي كلام بتسمعيه لو مهما كان
وشيلي الخوف والافكار عن الكرامة والانوثة واشيا كتير اللي بتخلي الوحدة تحس بالنقص او تتدمر نفسيتها من ورا هالافكار
طيب قلك زوجك عن الفم بالعكس كوني كلك ثقة وقوليلو مشكور انك قلتلي،بتعالج اليوم قبل بكرة كرمال نفسي مع انو سألت ناس مقربة مني وصديقات وقالولي ما لاحظوا هالمشكلة ابدا ابدا
فما بعرف مشكلة الشم عندك كيف
كرمال ما يزرع الفكرة براسه ويصدقها
شغلة تانية في سبراي بالصيدلية للفم منعش هيدا دايما استعمليه ويضل معك بالحقيبة بيعطيكي ثقة وراحة وشعور بالانتعاش

وبالنسبة للمبادرة حاولي مرة وعشرة ومليون كمان
وما تقولي اذا رفضني كرامتي واحساسي كأنثى ما بيسمحولي
لا بل حطي هدف براسك وتحدي وقولي هيدا حقي ولازم اخده واكسر هالحاجز
في حال كتتي متأكدة ما عندو مشكلة زوجك جسدية

ليش بدك تتعبي نفسك ويشحب وجهك من كلام شخص واحد ولو كان زوجك انت اعرف بنفسك والناس اكيد بتمدحك وما في شخص كامل والكمال لله
وكلنا فينا عيوب وعنا اشياء بس هالشي ما بخلينا نسمع كلام غيرنا ونصدقه
متل ما انت عندك عيب انا عندي وغيري عندو
يعني ما تخلي زوجك يحسسك انو المشكلة فيكي وهوي ما ناقصو شي

وبالنسبة للتمثيل خلي جوابك يكون انو الانسان بينضج من جميع النواحي وبيتثقف وبيطور من نفسه
وقوليلو انك سعيدة اذا شايف هالتغيير فيكي وخاصة بالطيبة ولو مش مصدقه او معتبره تمثيل
وخليه يعرف انو بالنسبة الك هيدا انجاز ورح تضلك تطوري من نفسك كل ما نضجتي مع مرور السنين وما رح توقفي محلك

اسأل الله ان يرزقك راحة البال ويفرج همك ويسخر لك زوجك


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه